Schedule pa Semi Final y Final di Campeonato Fedeveta 50 plus
ORANJESTAD (AAN)— Diarazon anochi na Sha Sha na Noord directiva di Fedeveta a bin hunto pa dicidi por medio di lot ken lo bai enfrenta otro den e quart final 2010. E quart final lo inicia dia 31 di Juli riba tereno di Caiquetio na Paradera. E schedule pa e weganan di play offs ta lo siguiente: E prome wega ta cuminsa 6:00 p.m y lo bai ta entre SCA di Paradera y BuBali, e di dos wega ta programa pa 7:15 p.m y lo bai entre Inter y San Luis. E ultimo wega di e anochi valido pa e play offs lo cuminsa pa 8:30 p.m y lo bai entre Roma y Arusur. Tur e weganan aki lo tuma lugar riba tereno di Caiquetio na Paradera. Un y tur ta invita pa bin aprecia e bunita futbol di nos veteranonan. Pa facilita e trabao un tiki nos ta presenta e schedule valido pa e play offs adhunto.
