Stars a titula Campeon
ORANJESTAD (AAN)— Despues di un temporada di hopi dedicacion e muchanan di Stars ta titula campeon. Esaki no tabata e campeonato di mas facil pa e edad di 9 pa 10 aña ya cu cada team a traha duro, siman tras di siman pa por a logra nan victoria. Diasabra ultimo riba tereno di Caribe e berdad a wordo papia ora Stars a topa e fuerte equipo di San Nicolas PMC. Batasonan poderoso, atrapadanan sensacional y un pitcheo hermetico a duna finalmente e victoria di 10 pa 9 na e equipo Stars.
Tin cu remarca cu e manager Eric File a mira su empeño corona cu
e maximo titulo, apoya pa su coachnan Kenrick “Kenchi” Arcaya y Rensey Polonius.
“E muchanan a hasi nan best” asina ela bisa “y hunto cu nan mayornan,cu tur siman ta tey pa stimulanan, awe nos ta Campeon”
Un pabien bon mereci na cada un di e peloteronan di Stars y ta di spera
cu esaki ta un estimulo pa sigui y mehora nos baseball,pa asina pone e deporte aki back na unda e tabata añanan atras……Go Stars GOOO!
