Home Deporte Travel Team Aruba a pasa pa final di Internacional den WBF

Travel Team Aruba a pasa pa final di Internacional den WBF

2
0
SHARE
- Advertisement -

baseballORANJESTAD (AAN)— Diahuebs mainta e equipo di Aruba Travel Team 10U a pasa hunga nan prome wega di eliminacion na unda a enfrenta Los Halcones, durante e wega aki e wega e termina 10 – 3 pa Aruba, na unda cu e pitcher habridor tabata Eric Mendez cu durante dos inning tabata tremendo, e manager a decidi di sosega Eric Mendez pa e siguiente wega y a bini cu Jean Claude Hernandis y aki Jean Claude a domina tremendo y a termina e wega tambe. Den e prome inning caba Aruba a score 4 careda ora cu Lyonell Briesen a subi cu Base por bola, Jerrick a subi base por medio di un rolling fuerte pa tercera cu a dune e chens pa yega primera, Kaeber Rog tambe a haya base por bola, e basenan a yena cu Eric Mendez a conecta un hit, bon pa un careda, Miguel Thiel a haya Hit by pitch, Brandon Rincones a cuadra pa un sacrifice bunt perfecto pa anota careda # 4. Mihor bateadornan pa Aruba tabata Eric Mendez 2-2, Jean Claude Hernandis 1-2, Raibiently Mercalina 1-2. Aruba no a bati hopi hit manera ta su custumber pero a usa hopi strategia y a sali ganador, asina Aruba a pasa pa e siguiente buelta na unda nan mester a enfrenta Panama, aki ta caminda cu Aruba a bini brabo y a gana e wega importante aki pa asina pasa pa hunga e finalnan di Internacional.

E wega a termina 7-2. Den e prome inning caba atrobe Aruba a pica dilanti ora cu Lyonell Briesen a subi base por medio di base por bola, despues a roba segunda pa bai den scoring position y Jerrick Francees (tercer Bate) a los un doblete grandi den right pa asina empuha e prome careda, despues tabata Kaeber Rog a ripiti un doblete den deep center y Jerrick a anota desde segunda pa home, mester remarca cu e pitcheo di Panama tabata basta duro y a domina varios bon bateador di Aruba.

Durante e wega aki e staff technico di Aruba a laga Eric Mendez habri e wega y a bai full e ruta tirando un bunita wega. Den di tres inning atrobe Aruba ta amplia e score ora cu Jean Claude a subi base por medio di un error den tiro di e pitcher, Jerrick Francees ta bolbe manda un bataso grandi te na cura pa empuha Jean Claude y Miguel Thiel a manda un hit pa empuha Jerrick. Na final e wega a termina den un forma dramatico.

Mihor batedadornan pa Aruba tabata Jerrick Francees 3-3, Kaeber Rog 1-2, Miguel Thiel 1-3, asina Aruba a pasa pa final internacional diabierna atardi pa 7or di anochi den WBF World Series Travel Ball 2010.

- Advertisement -

DUNA COMENTARIO

Please enter your comment!
Please enter your name here