A usa un Nissan Sentra Blanco pa cosnan straño den madruga
ORANJESTAD (AAN): Si e investigacion tuma su curso ya cu doño auto a worde localiza cos lo ta pinta poco scur pa esnan cu a presta su vehiculo pa bay intenta di tira para den Pedro Gallegostraat. Diabierna marduga pa 2’or , central di polis a notifica patruya Oranjestad pa bay den e caya ariba menciona. Segun e informe cu tres homber a purba di drenta un cas den Pedro Gallegostraat. Pero tin bisiña a descubri e trio, nan a purba baha bay den un Nissan Sentra color blanco.
E informe ta menciona tambe cu algun bisiña a persigui e auto y nan a blokia e vehiculo y e ladronnan a core limpi bay y nan a drenta den mondi. Polis y takel wagen a presenta tambe na e lugar, locual ta e Nissan A 16490 pa medio di e takelwagen a pone nan warda pa lo demas investigacion.
Na lugar tambe polis a papia cu testigo W. y el a bisa cu su amiga L. a bise di a wak tres mucha homber bula den su cura. W. a wak e Nissan Sentra sospechoso staciona dilanti cas di su amiga L y a para sa auto dilanti di e Nissan Sentra pa evita cu e sospechosonan facilmente lo por baha na awa.
W. a baha controla un que otro un rato despues el a wak tres mucha homber coriendo direccion di e Nissan Sentra pero ora nan a wak W , e trio a spanta drenta den panico y a core drenta mondi na careda.
Segun informe adicional dos di nan a bula un cura pa otro mientras e di tres sospechoso a para wak si tur cos tabata safe.
Tin descripcion di e trio sospechoso y mas ainda polis a controla e number di auto y esaki ta registra riba number di un mucha homber di inicialnan R.A.P. y e ultimo lo ta conocido di e trio.
No tabata tin otro informe disponible a base di e investigacion si e trio a presta e auto for di RAP y nan a haci maluso di confianza di a bay comete actonan sospechoso.
