Home General Un acercamento mas estrecho cu su coleganan ta un di su metanan...

Un acercamento mas estrecho cu su coleganan ta un di su metanan pa Cuerpo Policial

2
1
SHARE
- Advertisement -

comisariorichardsonHalto Comisario Richardson lo mantene e maneho simple:
ORANJESTAD (AAN) Matutino DIARIO a entrevista Comisario señor Dolfi Richardson, ken a worde nombra diabierna ultimo, den Conseho di ministronan, como Alto Comisario di Cuerpo Policial Aruba. Ki expectativa Alto Comisario Richardson ta ofrece nos comunidad? Esaki a keda refleha den e contenido di e entrevista aki.


Alto Comisario Richardson a cuminza pa felicita KPA y pueblo di Aruba cu nan hefe nobo di polis. El a bisa cu for di aña 1995, cu el a cuminza traha pa Cuerpo Policial, el a haya e oportunidad pa ocupa diferente funcion clave, kiermen e tabata tin e luho di sinta den diferente posicion unda e por a mira e hefenan policial funciona.

Asina e por a haya conocimento riba e maneho di KPA, cu ta uno diferente si compare cu otro organizacionnan. “ Mi tin cu bisa cu den e 15 añanan cu mi ta den e funcionnan clave aki, tog mi a haya e preparacion necesario pa mi por dirigi un organizacion compleho manera KPA”, Alto Comisario Richardson a splica.

Richardson a studia Criminologia na Universidad di Amsterdam, locual ta un combinacion cu ley, kiermen e ta un Hurista y Criminologo. “ Esaki ta estudionan cu ta prepara bo pa bo asumi posicionnan clave den nos organizacion”, el a comenta.

Alto Comisario a indica cu no tin un “deal” traha pa eherce tal funcion. El a splica cu si wak e historia for di tempo cu Aruba tin su propio Cuerpo Policial y Hefe Policial, e cargo aki ta pa cuatro aña si e persona tin hopi suerte.

“ Pesey mi ta proyectando pa un termino asina, pero e nombracion aki nos tin cierto palabracion haci, entre mi persona cu Minister di Husticia, cu dentro di un aña e kier mira cierto plannan worde realiza, y mi lo enfoca riba nan den e proximo temponan aki”, Alto Comisario Richardson a señala.

Di e experiencia cu Alto Comisario Richardson a acumula durante e periodo unda el a ocupa diferente funcion y a wak e maneho riba diferente angulo, el a siña tambe kico un funcionario di tal magnitud no tin cu haci.

“ En comparacion cu tur e Hefenan cu a sinta, cu mi experiencia den funcionnan halto den KPA, mi ta hopi mas prepara cu esnan cu a bin y tur cos tin di haber cu bo propio filosofia, pa loke ta regarda e maneho di Cuerpo Policial.

“ Pero mi no kier compara mi mes cu nan, pasobra tur tabata experto riba nan tereno y nos tin cu wak con e ta bay. Mi por bisa cu e unico meta cu mi a pone pa mi mes ta mantene e maneho simple, unda mi ta bay envolve mi coleganan tambe, mirando cu nan ta esnan cu tey afo”, Richardson a subraya.

El a papia di un acercamento mas estrecho cu e demas miembronan di Cuerpo Policial pa asina su funcion como Alto Comisario por tin mas exito, y den esaki e aspecto di formacion ta hunga un rol clave.

El a reitera cu un di e factornan di mas importante den un organizacion ta su “relacion humano”.

“ Con bo ta anda cu bo hendenan y mirando mi back ground cu ta un disciplina cu ta bezig cu hende, mi ta kere mi por haci uso di diferente estrategia pa mi purba motiva y concientiza mi hendenan riba pakico nos tey, kico ta e mision di Cuerpo Policial.

Esaki ta algo hopi importante, y na momento cu bo hendenan sa kico ta nan meta y nan mision, mi ta kere ta hopi mas facil pa influencia y motiva bo personal pa presta y haci locual nos pueblo ta rekeri di nan”, Alto Comisario a subraya.

- Advertisement -

1 COMMENT

  1. Pabien na alto commisario Dolfi Richardson pa su nombramento.
    Di parti di un ex amigo di scol Colegio Arubano klas 1985/86

DUNA COMENTARIO

Please enter your comment!
Please enter your name here