Abogado Kock ta cuestiona motibo cu APA no kier bay den un destaho publico
*caso lo tuma lugar den corte Dialuna
ORANJESTAD(AAN): Abogado mr David Kock a entama un caso contra APA den nomber di un cliente, relaciona cu destaho pa cu mudamento di waf. E caso ta bay tuma lugar Dialuna. Durante un entrevista Kock a splica cu e motibo pa cual a cuminza e caso ta cu contrario loke APA mes a propaga den pasado a uza como un di e motibonan biaha pasa pa termina e relacion cu ASTEC, tabata cu den mudamento lo no automaticamente nifica cu ASTEC lo a keda, sino lo a bay na un destaho publico.
E abogado a sigui bisa cu asina tur compania interesa lo por a aplica pa haya e contrato pa cu e waf nobo. Diripiente a bin un buelta di 180 grado den e pensamento di APA cu a dicidi cu no lo hasi un destaho publico, sino lo bay papia prome cu ASTEC y si a caso nan no yega na un acuerdo, e ora ey lo bay pa un destaho publico.
Esaki ta net robez. Bo mester cuminza cu un destaho publico, segun Kock. Esey ta pa bo purba haya un prijs faborable. Pesey cliente di Kock a dicidi cu e kier cuminza un caso. E cliente kier djis tin e posibilidad di participa na un destaho publico.
Kock ta bisa cu e no ta compronde ki interes APA p[or tin, pa bisa cu e no ta bay den un destaho publico y cu e kier cera un acuerdo cu ASTEC.
