Analisis politico….. Cumpli awo!
Cumpli awo tabata e palabranan di Nel Oduber despues di su derota na September aña pasa. Y tabatin un paar di e fanaticonan ciego di MEP cu a bay tras di e palabranan ey. Te hasta nan a saca sticker cu e texto di cumpli awo. E hendenan aki mester sinti nan mes hopi malo awo despues di tanto logro di e gobierno di Mike Eman den un corto tempo. Nan mester sinti hopi malo pasobra mayoria di nan sa kico e situacion tabata cu e gobierno di MEP a laga atras. Pa no lubida nos ta ripiti algun di e importantenan.
Tabatin un situacion dramatico riba nos isla pasobra un cantidad grandi di nos hendenan a perde nan trabao pa motibo cu Nel Oduber a cera Valero. Esaki no por worde enfatiza suficiente. Nel Oduber a nenga e proposicion di Valero pa renoba henter e planta y keda habri si Nel Oduber lo a kita e BBO for di lomba di e compania.
Ademas Valero a ofrece un pago di minimo 50 miyon florin pa gobierno si nan gana of perde placa. Nel a nenga e oferta y Valero a cera manera nan a bisa Nel cu nan lo haci. Directamente culpa di Nel Oduber y esaki e mester carga resto di su bida.
Mike Eman a demostra inmediatamente despues di eleccion su capacidad di un lider grandi cu inteligencia, vision y determinacion y a logra haya Valero na mesa atrobe te cu e a yega na haya un acuerdo cu e compania aki cu e lo habri bek. Un logro historico cu a pone esnan di MEP cu a grita cumpli awo guli nan palabra y baha nan agresividad Mepista.
Den e mesun tempo Mike Eman y su team di ministro a logra trece KLM bek Aruba. Atrobe pa hende no lubida cu Nel Oduber y su ministronan a core cu KLM cu a bula ariba Aruba mas cu 70 aña sin stop.
E gobernacion maligno di MEP a stop KLM di bula bin Aruba pa motibo di nan maneho fatal.
E gobierno nobo a logra den corto tempo haya KLM bin bek Aruba y si tur cos bay bon dentro di corto tempo KLM lo ta bulando Aruba e mesun cantidad di biaha cu antes.
Esnan cu tabata boca yen di cumpli awo atrobe mester a guli nan palabranan di odio di cumpli awo mirando cu e gobierno di AVP no ta mescos cu esun di MEP. Asina a bay tambe cu Carnival Cruises.
Un compania di crusero cu tabata duna hopi Arubiano un pan door di bin henter offseason ariba diabierna. MEP a core cu e compania aki y AVP a trece Carnival Cruises bek nos isla. Algo cu a haci e MEPnan cu a grita cumpli awo despues di eleccion hopi dolor ta e kitamento di mita di e BBO den un par di siman di gobernacion nobo.
Nunca e MEPnan a kere cu e gobierno lo cumpli cu su promesa di kita e BBO for di lomba di nos pueblo. Un medida cruel cu a worde poni ariba schouder di nos hendenan solamente pa e dirigentenan di MEP por a sigui cu nan fiesta miyonario a costo di nos pueblo.
Awe esnan cu a grita cumpli awo a worde gedal hopi duro atrobe. Mike Eman y su team a logra un acuerdo cu e gremionan den e dialogo nacional cu a crea un ambiente di cooperacion unico na Aruba.
Un acuerdo entre e gremionan y gobierno ariba un cantidad di puntonan sumamente importante pa henter nos pueblo. Esnan cu a grita cumpli awo no sa mas unda pa sconde nan cara.
Den un tempo record e gobierno aki haci cosnan grandi cu a y ta drecha e malo cu MEP a laga atras.
Un felicitacion festivo mester bay pa Mike Eman y su team cu tur dia mas ta demostra nan capacidad pa cambia e rumbo di nos pais. Cuanto votador di MEP mes awe mester reconoce cu loke e gobierno nobo ta haci ta algo unico y poco poco nan ta cuminza mira unda e diferencianan fundamental ta entre un gobierno di AVP compara cu uno di MEP.
Awo cerca algun MEP e situacion a bira asina cu tur e gremionan ta traidor pasobra nan a yega na un acuerdo cu e gobierno di Mike Eman. Pero den mayoria di e votadornan di MEP awo ta creciendo un respet y admiracion grandi pa Mike Eman su logronan.
Platinium
Un medida cruel lo ta e dia cu AVP lo realisa pakico MEP a pone e BBO paso no twt placa mas den CAHA esey tur hende sa. Mi no ta wak pakico nan ta bolter e cosnan boso stop di saca wowo di otro AVP MEP RED OF cualkier otro partido ta mesun hende y arubiano nos ta keda. Na tur pais tin Tax cual na Aruba nan a jama BBO. Na hulanda ta 19% otro caminda mas. Cu 3% nan ta keha. Locual nan mester hasi ta si tin BBO hisa e salario pero e anker a sink nos isla un biaha kaba spera eno pasa mas. Ohala cu berdad Mike Eman ta e persona cu eta bisa cu eta y cu di curason ela sinta grita TA MI HENDENAN TA MI HENDENAN of esey twt solamente pa hanja VOTO y traciona nos ARUBA atrobe??? Dios laga cu no… Ohala ora cu tur cos pasa voorbij no ta MEP mester bin drecha e cuenta un biaha mas. Pero no lubida locual betico a bisa Mishi cu nos status aparte ta bai tin guerra shonnan habri boso wowo. Cumpli AWO!!!