Aruba ta enfrenta Main awe merdia 12’or pa final
ORANJESTAD(AAN)— Despues cu e ultimo partido di semi final a tuma lugar ayera tardi a keda conoci cu Aruba lo enfrenta e equipo di cas esta Maine pa e gran final awe merdia pa 12. E partido por ser mira via ESPNU live y tambe scucha na bo radio emisoranan Bo Guia Deportivo y Canal 90 y Diaranzon dia 25 pa esnan cu no por a mire na ESPNU por mira esaki via ESPN2 den oranan di merdia. E equipo di Maine ayera a gana di West cu e score di 9 pa 3. Maine tabata tin 9 careda nan a conecta 12 hit y no a comete error, e equipo di West tabata tin 3 careda nan a conecta 8 hit y no a comete error.
Pitcher ganador a resulta Curtis Worcester cu a haña relevo di Luke Hetterman, a perde Carter Casady cu a drenta como relevo pa Anthony Lombardo.
