Awor por escoge siete diferente opcion na Burger king
Nan side-menu nobo pa Value Meal!
ORANJESTAD (AAN): Tabatra Diahuebs, cu DIARIO tabata presente ora cu a introduci algo nobo.
Burger King ta sigui cu e promesa di duna su clientenan mas opcion y continua honra e lema di Burger King , Have it your way. E promesa, como un marca mundialmente reconosi, ta pa duna su clientenan e poder di adapta e menú di Burger King pa esaki por fit nan lifestyle y diet.
Segun Ana Maria Ramirez representando Burger King a splica, cu e compania a reconoce cu e deseo di su clientenan pa mas opcion y variación ta cada dia mas grandi y pa por satisface e deseo aki, awe nan a tuma un step grandi door di introduci e SIDE MENU nobo. E menú aki ta duna e clientenan 7 diferente opcion como side order den nan VALUE MEAL preferí.
Desde awe tur cliente di Burger King por kies e side ceasar salad, e side garden salad, Dutch Apple Pie, Fried Apple Turn-Over, 3 cookies, French Fries of Onion Rings pa complimenta nan hamburger of sandwich favorito den nan VALUE MEAL.
Mester menciona cu tur e 7 diferente opcionan aki ta sin costo adicional, cu e menú aki ta un adicion permanente ariba e Menu-board di Burger King y ta obtenibel na tur tres restaurant di Burger King ariba nos isla.
Burger King lo continua explora alternativa y idea nobo pa sigui duna su clientenan e mihor servicio cu productonan inovativo y cuminda delicioso pa asina haci e experiencia di tur nos clientenan na cualquier restaurant di Burger King uno placentero.
Tambe kier a corda henter pueblo di Aruba cu e campaña di e película TWILIGHT SAGA: ECLIPSE ta continua, na unda cada siman tur cliente tin e oportunidad di gana un set completo di posters e pelicula, cinema tickets y gift certificates di Burger King y na final di Augustus lo rifa e premio grandi cu ta un Apple iPad Wifi 3G di 64GB.
Pa participa den e campaña ta hopi facil. Cu compra di un KING SIZE VALUE MEAL of un BREAKFAST PLATTER tur cliente lo ricibi un coupon na unda nan mester jena nan nomber, e-mail adres, telefon y di con nan ta gusta Burger King pa asina participa y gana un di e premionan.
Pa mas informacion di e campaña aki y di e Side Menu nobo por subi ariba e pagina di BURGER KING ARUBA ariba FACEBOOK.
Burger King kier a invita henter pueblo di Aruba pa pasa na un di e tres restaurant di Burger King ariba nos isla, Burger King San Nicolaas, Burger King Oranjestad of Burger King Arawak Gardens pa nan CHOOSE NAN SIDE y tambe participa pa gana hopi premio. Only at Burger King. Have it your way.
