Booshi Wever ta spera cu PDR y algun integrante di AVP lo vota contra cambionan di Statuut
ORANJESTAD(AAN): — Durante conferencia di prensa di fraccion di MEP, lider di e fraccion Booshi Wever a papia tocante e cambionan den Statuut, cu mester wordo pasa den parlamento di Aruba. El a splica cu e cambionan aki lo mester hasi posibel pa cambionan estatal tuma lugar den otro partinan di Reino. “Nos ta sinti cu historia ta bay ripiti”. “Historia di traicion di añanan 50 ta bay ripiti”. Esaki segun Wever kende a bisa cu partido AVP ya caba a anuncia cu nan lo bay di acuerdo cu e cambionan di Statuut.
“Nos a bisa for di añanan pasa caba, cu nos lo respeta derecho y deseonan di pueblonan den nos Reino, mientras nan no mishi cu nos Status Aparte”.
Esaki segun e parlamentario, kende a sigui bisa cu nos no por tolera cu Hulanda ta hasi uso di e oportunidadnan aki, yuda pa cierto partidonan den Reino, particularmente partido AVP.
Wever a sigui bisa cu fraccion di MEP ta bay vota contra esaki.
El a bisa tambe cu si Democracia Real tene su mes na locual e mes a vota pe den e mocionnan, Democracia Real tambe lo vota contra.
“Nos ta spera cu ainda nos por logra convence algun integrantenan di AVP cu quizas si tin Aruba na pecho, pa nan no vota na fabor di e cambionan aki, cu lo bay nifica cambionan cu lo bay trapa riba nos autonomia.
Dr. Jorge López Dorado
E autonomia tabata sirbi pa cu e laster dirigentenan di MEP abusa di nan poder so y Aruba a bay pa claramente den dirección robes.
e MEP di Betico tabata otro totalmente opuesto.