ORANJESTAD (AAN)— E competencia popular di Beach Tennis ta pa tur nivel, for di Principiante te Profesional, tur hende por hunga e wega aki. Esaki ta un bon ehercicio, e ta diverti y ta den un super ambiente na Moomba Beach. Pa un periodo di 2 luna, bo por hunga contra otro team tur siman, bao di e lusnan di e 4 courtnan disponibel. Bo por bira miembro y haya un competencia gratis pa dia, ademas di e descuentonan den cuminda y bebida, weganan gratis y hopi mas.
E competencianan anochi ta keda como lo siguiente: Dialuna anochi ta pa Singles, Diamars anochi ta pa e famoso Ladies Night cu mas cu 30 team, Diaranzon mainta ta pa Ladies Doubles den tur nivel y Diaranzon anochi ta pa e categorianan:
Fun Men, Intermediate Men y Mix Doubles y finalmente Diahuebs anochi ta reserva pa e categorianan Avansa y Pro Men Doubles.
E competencianan ta cuminsa pa 6’or di atardi y e delaster weganan lo wordo hunga 9’or di anochi.
Si bo no a registra ainda pa e competencianan semanal, bo por hacie awor, registracion ta cera Diabierna 6 di Augustus.
