Conocido di polis awordo agredi dor di su ruman
ORANJESTAD (AAN): Diadomingo cinco’or y cuarenta y cinco
a drenta informacion na e central di polis cu den caya Jose German tin un homber tira riba suela y tur na sanger.
Patruya di San Nicolas a bay na e sitio y na yegada a topa cu e conocido di polis Stabilize.
E persona aki tabata na tino, y a bisa polisnan cu su ruman homber a dale cu un tubo den su boca.
Polis a bise cu lo yama ambulance pa hibe poli clinica.
E homber a recupera di biaha y e la core bay drenta mondi.
Polis a core su tras pero no a logra gare.
