Delegacion di Aruba a wordo presenta na presidente di IOC
ORANJESTAD(AAN)— Durante un
bishita na e Youth Olympic Village na Singapore, Presidente di Comite Olimpico Internacional, Jacques Rogge, a topa cu e delegacion di Aruba.
Atleta Brandon Arends, entrenador
Alberto Thiel y Chef de
Mission Bryan Lopez a
wordo presenta na e dignitario
deportivo internacional y naturalmente a hasi uso di e oportunidad pa saca portret cu su persona.
E encuentro a sosode na momento cu e delegacion tabata den e zona caminda tin diferente exposicion di agencianan manera e World Anti Doping Agency, e comision di atleta, exposicionnan cultural di diferente pais y tambe un stand di e Academia Olimpico Internacional (IOA).
Tabata den e stand di IOA cu e delegacion tabata participando na algun actividad “interactivo”, ora cu Jacques Rogge a acerca e area.
Miembro di IOC di Aruba, Nicole Hoevertsz a presenta e representantenan di nos pais na Presidente di IOC y a splica kiko nan funcion ta durante e Weganan. Presidente Rogge a desea nan tur clase di exito y tabata contento di por a saca portret cu nos representantenan.
