Home Politica Den e pakete cu lo negocia cu docternan ta bin incentivo pa...

Den e pakete cu lo negocia cu docternan ta bin incentivo pa mehora calidad di cuido!

0
0
SHARE
- Advertisement -

avprichardvisserMinister Richard Visser:
ORANJESTAD (AAN) – Tin un comision cu ta ocupa cu restructuracion di pago pa specialistanan y docternan di cas, pa asina nan por bin na un manera di pago cu ta cuadra, y cu tin un motivacion aden. Asina Minister di Salud Publico, dr. Richard Visser a duna di conoce den entrevista cu nos redaccion. E mandatario a señala cu pa hisa e calidad di cuido e docternan mester tin un motivacion pa wak un cierto volumen di pacient y no aumenta esaki pa asina e calidad di cuido no baha.


Esaki ta un balansa cu e gobierno kier crea den e pakete cu ta bay wordo paga na e docternan.
“Dos cos cu nos mester ta duro akinan ta e calidad di cuido cu nos ta haya, y tambe e accesibilidad. Esey kiermen con lihe bo por yega na bo servicio y den esaki tur nos tin retonan grandi riba dje”, Minister di Salud a bisa.

El a agrega cu esaki lo bira parti di e negociacion cu docter di cas y specialistanan.
E mandatario a splica cu tin cierto porcentahe den e pago pa e docternan haci cierto cosnan. Tin cierto normanan di calidad poni aden di e pakete pa nan bin na un extra pago di 15%.

“ Despues nos tin un 15% pa cuanto pacient nan ta wak, y esaki ta un ehemplo, pasobra nos no a bin na negociacion ainda.

Nos ta bezig na e momentonan aki, pero esaki ta e ideanan global pa pueblo compronde kico nos ta purba haci, pa asina nos garantiza e calidad di servicio cu ta bin di veld (nos docternan) y garantiza e accesibilidad na e pacient cu ta hayando cuido”, e titular di Salubridad a bisa.

- Advertisement -

DUNA COMENTARIO

Please enter your comment!
Please enter your name here