Despues di a perde contra di West Dialuna anochi
Aruba practicamente ta posiciona su mes faltando un wega pa e semi final
ORANJESTAD(AAN)—Loke fanaticonan tabata spera ayera, e seleccion di Aruba a hasi cu tur locual cu tabata tin bin gana di e equipo di Central cu e score di 17 pa 1 mediante knockout. Aruba cu e Victoria di ayera ta posiciona nan mes un tiki mas serca di e wega semi final cu dos gana un perdi tras di e equipo di West representa pa Manhattan Beach California cu un gana cero perdi. Aruba tabata tin 17 careda, nan a conecta 17 hit y no a comete error. E equipo di Central a anota un careda a conecta dos hit a comete cuatro error., Sin duda e hobencito Juan Carlos Moncion a sa di bay cu e Victoria pa e seleccion di Aruba, el a haña relevo di Marc Danies cu tambe a domina e bateadornan di Central completo, Dwayne luidens a bin pa cera e partido.
Luke Burch cu a habri pa Central a carga e derota el a pitcha dos inning y un tercio di wega el a haña relevo di BJ Miller pa despues Sheldon Mullet
Mihor bateadornan pa Aruba tabata Chadwick Tromp cu tres hit den cuatro turno, Juan Carlos Moncion tres hit den cuatro turno, Mitchell Martes tambe tres hit den cuatro turno, Raypatrick Didder tres hit den cuatro turno, Jose Luis Gonzalez a bati den mil punto un hit den un turno na bate, Miklos petronia un hit den dos turno, Jermain Manuel un hit den tres turno, Jiandido Tromp un hit den tres turno.
Pa Central a luci na bateBrandon Wengred un hit den dos turno y Richie Mast tambe un hit den dos turno. E standing te cu e wega di ayera, West tin 2 gana 0 perdi, sigui pa Aruba 2 gana 1 perdi, Central 1 gana 1 perdi, Asia Pacific 0 gana 1 perdi y Southeast 0 gana 2 perdi.
Tambe den oranan di mainta tabata tin un wega entre Southwest y East cu a bay 10 inning na unda cu East ta bin gana cu e score di 9 pa 8 riba e team di Southwest. Southwest tabata tin 8 careda nan a conecta 15 hit y a comete 5 error.
E equipo di East tabata tin 9 careda nan a conecta 10 hit y a comete dos error. Pitcher ganador a resulta Carlos Lebron y a perde Stewart Cartwright. Mihor bateadornan pa Southwest tabata Andrew Dunlap di 5-3, Bill Munson 5-2, Andrew Waters 2, Davis Atkins 5-2, Samuel Reid 4-2, Harrison James di 2-1.
Pa East tabata Andrew Biggs di 5-3, Vuaghn Watson di 3-2, Jonathan Donnely di 2-1. E standing den e pool akiE team di cas MaineD3 tin 2 gana 0 perdi, sigui su tras East cu tambe 2 gana 0 perdi, Southwest 1 gana 1 perdi, tanto Canada como Emea cu 0 gana 2 perdi.
Mañan Diario Deporte lo bini cu mas di e resultadonan di e weganan di ayera y cu nan standing con cada team ta para pa mira kende lo pasa pa e semi final.
