Home General Director di APA no ta contento cu trahadornan a drenta den accion

Director di APA no ta contento cu trahadornan a drenta den accion

0
0
SHARE
- Advertisement -

apa4Sin papia prome cu gerencia
ORANJESTAD(AAN): Dialuna mainta DIARIO a entrevista Director di APA Alfonso Boekhoudt, despues cu trahadornan di APA a drenta den un accion. Na momento cu a entrevista Boekhoudt, el a bisa cu e no tabata sa con largo e accion lo bay dura, mirando cu e tabata un asina yama ‘wild strike’. El a bisa cu el a papia cu FTA y FTA a indica cu e accion no a wordo organiza pa e sindicato.
E ta un wild strike, pasobra aworaki no tin absolutamente ningun conflicto laboral na APA.
Esaki segun director di APA, kende a bisa tambe cu no ta asina tampoco cu tin por ehempel un reunion pendiente cu gerencia cu nan no a haya. Diripiente nan a dicidi cu nan ta bay welga.
El a bisa cu nan no a laga gerencia sa e motibo pa cual nan a bay den accion.

“Nan no a ni puntra pa un reunion ni nada y nan a dicidi cu nan ta bay welga y stroba hende di drenta den nos waf”.

“Nos a hasi nos best pa percura pa e barco aki por wordo traha, cu ta e barco cu ta trece mercancia cu ta bay den nos supermercadonan tur siman”.

Esaki segun Boekhoudt, kende a sigui bisa cu si no baha e carga di e barco aki, e ta bay Corsow y eynan e mercancia ta wordo baha.

Esaki lo nifica cu gastonan extra lo mester wordo envolvi pa e cargo bin Aruba y a lo largo ta nos tur lo paga e gasto ey.

Director di APA a indica cu e no ta haya bon cu e trahadornan a opta pa welga, sin papia prome cu gerencia pa splica kico ta e problema.

DIARIO a puntra señor Boekhoudt si e trahadornan a pidi pa un reunion cu APA y el a bisa cu no.
Segun Boekhoudt, mientras cu nan tabata para pafo, tampoco nan a pidi pa un reunion cu APA.
Gerencia di APA no tabata tin un indicacion tampoco di con largo e accion lo bay dura.

E problema tin di haber cu e mudamento di waf y DIARIO a puntra Boekhoudt si no a papia cu e trahadornan tocante esaki.

El a bisa cu pa loke ta e mudamento, gerencia di APA ta bay papia cu tur afdeling separadamente.
Te ainda a papia solamente cu sindicato, despues cu e accionista a tuma e decision riba 12 di Augustus.

“Nos mester papia cu e trahadornan ainda y nan no tin ningun informacion a base di cual nan lo por dicidi di hasi un wild strike”.

- Advertisement -

DUNA COMENTARIO

Please enter your comment!
Please enter your name here