Empleado di Casino lo a mafia basta dollar
Entre 30 pa 40 mil dollar a somenta
ORANJESTAD (AAN): A worde denuncia segun informe for di casino den area di high rise hotel cu empleado a tira para formal den seccion di poker. Segun informe cu gerente di e casino a constata cu den e seccion a worde mafia bastante Dollar. Fuente yega ta calcula den careda di 30 pa 40 mil Dollar a somenta. Mesora cu a constata tin iregularidad a tuma lugar, a presenta denuncia na autoridad concerni. E empleado cu ta worde sospecha a baha awa pa exterior. Ya caba gerente a notifica autoridad y ta spera yegada di e homber sospechoso inicial R.
Mientras internamente tambe lo ta investiga si lo por tin otro dealer tambe lo ta meti den e mafiamento aki. No ta conoci si e caso a tuma lugar prome, durante despues cu e doño di casino a bende su permiso cu un grupo procedente di Venezuela.
Fuentenan a duna di conoce cu e casino aparentemente lo tin un otro operador, pero oficialmente no a worde menciona publicamente di esaki.No ta exclui cu dentro di poco lo por tin informe official relaciona cu e casino ta worde opera pa un otro doño. Pa algun tempo caba tin rumornan ta circula cu tin un operador nobo y a paga balente placa cu ta core riba 10 miyon Dollar.
