Homber bao influencia di alcohol kier a cende auto na candela
ORANJESTAD (AAN): Segun informacion duna pa vocero policial ayera, Diahuebs banda di tres or di madruga central di polis a dirigi un patruya di Noord pa un cas den Yaburibari. Na yegada di polis a papia cu Sra. M.K. naci na Aruba di 47 aña. El a bisa polis cu tin un homber R.A. naci na Aruba di 51 aña cu ta persigui su persona y no ta lage trankilo. Polis a haya un fuerte holo di un likido flamante y ora polis a cuminsa busca di unda e holo fuerte ta bin, nan a wak bao di auto unda e homber lo a basha gasoline of kerosin pa sende esaki na candela.
Mientras cu polis tabata papiando cu e Sra. M.K. e Señora a wak e homber pasa cu velocidad halto. El a bisa e polisnan di biaha. Polis a bay tras di e sospechoso cu a hisa velocidad y a sigui
un persecucion cu a termina na haltura di Piedra Plat.
Ora polis a para e auto y a wak aden, e homber tabata tin un cuchu cu un bat y e tabata ademas bou di influencia di alcohol. Di biaha polis a hibe na warda di Noord.
