Jerrick Francees campeon di homerun di Mundialitos de Criollitos 2010
ORANJESTAD (AAN)— Recientemente na Venezuela na Isla de Margarita a tuma
lugar e X Mundialito de
Criollitos de Amercia na unda e paisnan, Mexico, Colombia, Panama, Republica Dominicana, USA, Cuba, Venezuela
y Aruba a participa durante
dia 14 pa 21 di Augustus 2010.
Un celebracion di baseball
na un nivel basta halto ora cu seleccionnan nacional di e paisnan ya menciona a participa. E hoben pelotero di Aruba, Jerrick Francees un vez mas a tene e nomber di Aruba na halto den tur e gigantenan di baseball latino, ora cu Jerrick a bira e campeon homronero den e Mundialito cu 4 homerun conecta.
Durante e wega contra Mexico, Jerrick a saca e prome homerun, contra Colombia a saca dos (back to back), y contra Republica Dominicana a saca e di cuater den deep center, cu a pone tur hende papia di Aruba su pelotero. Jerrick Francees a bira tambe “jugador del dia” despues cu el a conecta e di cuater homerun.
Durante e ceremonia di entrega di premio Jerrick a risibi su premio door di Sr. Orlando Becerra cu ta presidente di Criollitos de America.
Sigur e trainingnan extra na Aruba, door di coachnan y di Nelson Patiño cu ta su entrenador y weganan internacional di Jerrick, ta dunando resultadonan riba e nivel internacional.
Aruba por ta orguyoso di Jerrick. E next weganan internacional lo ta na Florida na Plantation dianan 10-12 di september benidero, cu Travel Team “Lightning” West Boynton Beach Florida.
