Home General Marisol Lopez-Tromp, e ultimo persona pa punta dede y ataca

Marisol Lopez-Tromp, e ultimo persona pa punta dede y ataca

6
0
SHARE
- Advertisement -

marisolORANJESTAD (AAN): Den e rueda di prensa di partido MEP Parlamentario y ex Minister Marisol Lopez-Tromp tabatin e curashi pa na un forma vies y baho ataca Prome Minister di Aruba Mike Eman. Su palabranan a cai pisa, pasobra cu tur hende cu ta biba riba e isla chikito y bunita aki sa con el a destroza e pida baranca aki cu su maneho devastador y horendo. Su carera politico ta uno yena di actonan bergonzoso cu ainda mester worde investiga den tur profundidad, pasobra loke el a haci cu tereno di e humilde pueblo aki, tabata simplemente actonan maligno. Pa no papia mes di e brug di madushi cu a worde construi cu placa di e pagado di belasting y a enrikese su mes di e forma aki door di asina hisa e balor di e propiedad di famia aki.

Den Parlamento no mucho tempo pasa Minister Sevinger di Infrastructura a lesa algun di e actonan bochornoso cu e ex Minister aki hunto cu su amigonan den maldad a haci cu tereno di pueblo di Aruba.

Contra tur conseho e tabata duna tereno na su amigonan y hasta na e dj Sander cu e tabata sa cu no tabatin un feneta den su saco y cu a para “front” pa otronan.

Hasta e ex-director di DIP, kende tambe ta den investigacion, na cierto momento a sinti e cayente den su nek, a cuminsa limita su consehonan positivo pa e amigonan di ex minister Lopez-Tromp por haya e miho terenonan na Aruba.

Schoolnan na Aruba ta den situacionnan desastroso danki na e trabao fatal di un di e Ministernan mas malo cu Aruba a yega di conoce. Pa ocho aña largo el a laga schoolnan bandona y awe e berdad ta dal nos duro den nos cara. Enseñanza ta na suela.

Pa refresca memoria di esnan cu ta gusta lubida, na cierto momento su propio lider a kita e puesto di vice Prome Minister di Aruba yamando e pa e nomber difamatorio “broedende kip”.
Su colega di partido Thijsen a hibe Corte bisando cu e ta un hende cu tin falta di etica y moral y e na su turno a bisa algo semehante den direccion di su colega.

E dicho ta bisa “Si cabaron bisa bo cu eybou ta hole stinki, ker’e”. Asina ta cu si nan mes ta yama otro pa hendenan inmoral, anto nan sa di kico nan ta papia.

Cu awe e señora aki cu no ta atendiendo reunionnan di Parlamento pa cual e ta worde paga cu placa di pueblo, tin e tribilidad pa ataca Prome Minister di Aruba Mike Eman y kere cu e ultimo aki ta di mes un caliber fatal cu ne, anto e ta mal ekiboca.

Su actonan deplorable lo worde recorda cada bes di nobo. Ora bo ta biba den cashi di glas, no tira cu piedra!!! Otro dicho popular.

- Advertisement -

DUNA COMENTARIO

Please enter your comment!
Please enter your name here