Home Politica Minister Mike de Meza a garantiza e trahadornan di APA cu nan...

Minister Mike de Meza a garantiza e trahadornan di APA cu nan no mester preocupa

0
0
SHARE
- Advertisement -

apa7ORANJESTAD(AAN): Despues cu e trahadornan di APA den accion a entrega un manifiesto na Minister Mike de Meza, e Minister a hiba palabra. Segun de Meza, Gobierno di AVP no ta para pa ningun compania stranhero tuma over. “Ora nos tabata den Staten, nos a bringa pa no laga por ehempel e compania Spaño tuma over”. “Nos ta para duro pa ningun di nos wafnan, tampoco di Aeropuerto, lo cay den man di cualkier compania stranhero”.
Esaki segun e mandatario, kende a bisa cu Gobierno ta para tras di esaki, pasobra esaki ta mucho importante pa un pais.

El a bisa tambe cu Aruba tin su mesun trahadornan cu por hasi e trabaonan aki. Segun e mandatario, el a compronde cu e seccion di seguridad ta preocupa si nan lo bay over, pero seguridad ta cay bao di APA y APA ta doño di e waf, pues esey no ta bay sali for di man di APA tampoco.

Esaki no lo cay tampoco pues den man di cualkier compania local. APA tin cu garantiza seguridad di waf, pues APA no ta bay saca e seguridad for di APA mes.

Esaki segun de Meza, kende a bisa tambe cu e motibo dicon a dicidi di desaroya Barcadera ta cu unda e ta awor, e containernan ta obstaculiza e trafico hopi.

E plan tabata pa traha ringweg 3 cu ta sali for di Barcadera pariba di aeropuerto y core rond, pa asina e transporte di carga por tuma lugar. E ora ey lo por bay concentra riba e parti di ‘cruise ship tourism’.

E tereno di APA cu ta bira liber e ora ey, esey lo a wordo desaroya den un parke publico, sin hotel of tienda grandi. E Minister a bisa cu den futuro cercano Gobierno lo presenta kico ta e plannan cu tin pa e area ey, cu ta bay bira un area completamente pa recreo di pueblo di Aruba.

De Meza a bisa cu cualkier momento cu tin preocupacion, e lo ta dispuesto pa duna un splicacion.
Despues di a ricibi e manifiesto, e minister a invita e shopstewardnan pa subi cerca dje, pa nan pasa door di tur e puntonan.

- Advertisement -

DUNA COMENTARIO

Please enter your comment!
Please enter your name here