No a haya chofer cu tabata maltrata pasahero den un Yaris
ORANJESTAD.(AAN);– Mainta trempan algo pasa di 8’or diadomingo, un señora via celular a yama reporta na central di polis cu e ta coriendo tras di un auto y den e vehiculo, un homber ta bati un hende muher. Pa specifica, tabata trata di un modelo Yaris color blanco, hasta e number a keda suministra na polis. Esaki a tuma lugar den area di Kudawecha.. Hasta e señora a trata di hala atencion di e homber pa e stop di abusa di e muher. Pero e homber a sigui core y bati e señora y e chofer di e Yaris intencionalmente a manda e vehiculo riba e señora cu ta raporta e sosedido na central di polis.
Na dado momento chofer di e Yaris a bay na man drechi, drenta compleho di e cas na “Bon Vista”.
Patruya di Noord mientras tanto a wordo poni na altura di e caso y nan a bay tira un bista si acaso lo por localiza e Yaris color blanco cual su number ta conoci.
Pero e buskeda no tabata tin resultado positivo y e tin atencion di polis. E señora cu a reporta e caso tin e derecho pa entrega keho contra e chofer di e Yaris, pa intento di asesinato.
