Home Politica No ta berdad cu no tin oido pa e problema di school

No ta berdad cu no tin oido pa e problema di school

0
0
SHARE
- Advertisement -

dowersSegun Minister Dowers:
ORANJESTAD (AAN):   Durante conferencia di prensa,  Minister di Enseñanza a referi na e situacion cu tabata tin durante di cuminzamento di e aña escolar nobo.  Ta asina cu e periodo nobo a habri y tabata tin te hasta protesta debi na falta di material, entre otro. E mandatario a señala cu no ta berdad cu no tin oido pa e problema di school. Tampoco nan a wordo informa cu no tabata tin suficiente facilidad di baño. Nan a compronde cu e facilidadnan aki no tabata adecuado y a pone hendenan drecha tur e facilidadnan aki masha dia mes.  Awor cu no ta suficiente pasobra a amplia e cantidad di alumno, esey ta comprendible. Awor cu a amplia esaki no por culpa gobierno. Ta haci tur esfuerzo pa duna e sosten pa e muchanan por haya les. Material necesario, banki y mesa ta un di e materialnan cu lo ser duna.    Segun e minister, a sinta cu Directie Onderwijs y cu SKOA y a papia na un forma masha habri. Caminda schoolnan ta papia cu tin algun problema, a percura pa yuda. A haci un evaluacion y a papia cu tur directiva di school of directornan durante vakantie y a purba mas tanto posible pa tur facilidad cu tin yega pero ta comprendible cu si mester bestel material for di Hulanda cu esey no ta yega e dia despues. Si e ta na Aruba disponible si por haye e dia despues, a enfatiza.

    Hopi di e schoolnan aki tin un proceso di degeneracion den nan y gobierno  ta trahando duro na e momentonan aki pa drecha e situacion aki. Lo dura un tenpo ainda prome cu tur e cosnan aki soluciona, a bisa.

   Practicamente e minister a bishita tur school y esunnan cu e no a bishita ainda, e lo haci esey den e dianan aki, a laga sa.

- Advertisement -

DUNA COMENTARIO

Please enter your comment!
Please enter your name here