Awe na Shiribana 17a nos ta di fiesta ja ku Siandro Dijkhoff ta
kumpli su di 5 anja. E ta hanja hopi pabien di su mami Sandra, papi Lando y rumananan Danilo, Nathania, Charisma, di su welo stima Julio, di su ompi Gigi cu ta stime masha hopi mes. God bless you ! We all love you baby Siandro.
Hobennan a amanece bebiendo alcohol…
ORANJESTAD (AAN): Un hoben bebi y riba un trip a accidenta cu brommer na Eagle Beach.
E hoben cu tabata cu un grupo di amigo a accidenta y keda benta cabez abao den e mangrovenan na final di Eagle Beach. Testigonan a splica cu for di mainta e hobennan aki a habri bao di e mata na Eagle Beach. Nan tabata riba un trip y practicamente tur tabata bao influencia di alcohol.
Den careda di 9’or di mainta uno a dicidi di subi brommer di su brother. El a dal un burn out y sali cu velocidad halto direccion pariba.
ORANJESTAD (AAN): Un truck ta dal mahos despues cu brake a faya y trot a pega.
E chofer cu su truck a causa un susto grandi diasabra mainta banda di Bright Bakery na Piedra Plat. E tabata biniendo for di Pavilla bayendo direccion Bright y yegando na e cruzada trot a pega y brake a faya.
E chofer a splica cu el a purba pita pero esey no a yuda. El a dal violentamente tras di un auto cu tabata para pa bira.
ORANJESTAD (AAN): Diasabra den
oranan lat anochi Central di polis a haya informacion cu tabata tin pelea den Parkinglot di The Mill Resort.
Ora cu Polis a yega na e sitio a bin topa cu un muher drumi riba vloer cu
basta golpi na su curpa.
E tabata tin cara tur na sanger.
Ambulance a ser pidi cu urgencia. Nan a hibe hospital pa tratamento.
Reaccion di abogado Coffie:
ORANJESTAD (AAN): DIARIO a ricibi e siguiente comunicado di prensa di parti di abogado Bryan Coffie relaciona cu e caso cu Alex Croes di Giannis Nutrition Center a entama contra Ministerio Publico mirando e informacion di OM pa loke ta e caso cu a tuma lugar den corte siman pasa. “Como abogado di Sr. Alex Croes, mi kier a haci uso di e oportunidad aki pa reacciona como su representante legal riba un articulo cu a sali den Diario dia 27 di Augustus riba e caso cu a wordo trata diaranson pasa den corte. Esaki mirando cu aparentemente parti di e articulo lo ta basa riba declaracionnan di e vocero di Ministerio Publico.
E negoshi ta keda atractivo…
ORANJESTAD (AAN): Basta Kabel di koper a ser horta atrobe na 7 palo di luz den Marlboro Ball Park. E racha di ladronicia riba kabel di koper no a termina. Varios school, varios area recreativo a bira victima. Na Marlboro Ball Park mes tabata tin ladronicia algun tempo pasa caminda a bay cu basta kabel. E weekend aki un biaha mas tin ladronicia cu a tuma lugar. E biaha aki parce a hinca auto for di e entrada pariba forzando e porta y cortando e cadena cu e candal.
Lo cuminza control riba esnan cu no mag aplike ni trece Aruba!
ORANJESTAD (AAN): Inspeccion di Remedi ta bay cuminza parti boet den e proximo lunanan esaki relaciona cu practicanan ilegal cu ta tumando lugar na Aruba pa basta tempo caba.
Manera nos a trece dilanti, e practica di mesoterapia keto bay ta worde practica na Aruba. Pa cu esaki productonan cu ta remedi y cu ta procedente di laboratorionan no conoci ta ser usa door di personanan cu no ta cualifica pa eherce e practica aki.
Un man yen a tuma decision pa mayoria…
Miembronan di TOPA tambe fada cu nan presidente
ORANJESTAD (AAN): E actitud di sindicato SPA y su presidente tin hopi polis disgusta. Den pasado tur sindicato kier a dialoga pero gobierno a duna nan lomba. Awor cu tin un gobierno nobo nan ta habri pa dialoga. Sinembargo tin dos sindicato cu un representacion chikito cu ta atende reunion pero ta sali despues expresa nan mes comosifuera ta guera tin den reunion.
E tipo di expresionnan aki ta loke ta trece bruhamento di tera.
Inspeccion di Remedi cu sugerencia na DESPA pa regula cierto productonan…ORANJESTAD (AAN): Na Aruba tin un situacion caminda ken cu ta por traha stropi na cas of cualkier otro producto di tera cu ta conoci pa yuda ora di cierto malezanan manera tosamento, slijm, dolor di barica, etc. Riba esaki DIARIO a combersa cu Inspector di Remedi Roselynn Angela, ya cu a yega di mira cu tin hende ta sali bende nan productonan ora tin feria of algun actividad riba un dia di celebracion nacional.
ORANJESTAD (AAN)— Diahuebs ultimo e directiva di Brazil Taekwondo Stichting a reuni tocante e plan pa 2011 y tambe a selecta e atletanan pa e Best of the Best Maltin Polar Taekwondo Cup cu ta dia 2 di Oktober. Diahuebs awor 2 di September pa 4:30 di atardi na The Aruban Resort lo
anuncia e 40 atletanan cu lo ta participando den e mega campeonato aki cu ta tuma lugar dia 2 di Oktober den Centro Deportivo Betico Croes. E selectadonan a wordo selecta door cu nan a participa den un of mas di e 3 campeonatonan cu a wordo organisa door di Brazil Taekwondo Stichting cual nan tabata Gold Coast Taekwondo Cup, Ultimate Taekwondo Cup y Aruba Caribbean Cargo Taekwondo Cup.
Jane Braafhart di FTA:
ORANJESTAD (AAN): No ta prome biaha cu na Aruba a purba un Dialogo Social pa yega na acuerdo y solucionan importante pa nos pais, pero esaki seguramente ta e prome cu a yega na logronan concreto y serio pa ataka problemanan financiero structural di nos pais. Dialogo Social, sigur di e manera aki y cu su logronan serio y concreto, ta algo cu tampoco a yega di sosode na Antiyas. Señora Jane Braafhart sa con difícil un Dialogo Social por ta, pasobra e tambe tabata presente durante e prome intentonan di un Dialogo Social na 2001 cu nunca a concretisa.
Minister Visser:
ORANJESTAD (AAN)(AAN):–Pronto lo cuminsa cu renobacion di Aruba su hospital. Un renobacion cu ta encera tambe un ampliacion di e instalacionnan cu nos tin actualmente banda di e hotelnan. Dr. Horacio Oduber Hospital lo bay mira un cambio grandi. Un cambio cu lo exigi un inversion di rond di 100 miyon florin. Den combersacion cu Minister di Salubridad Publico, Richard Visser el a splica cu prome cu fin di aña lo bay tin ponemento di prome piedra pa e proyecto aki.
ORANJESTAD(AAN):–Ayera, si ta bon, den corte mester a caba di regla asunto di e controlador interno den lotto. Aki ta trata di e homber di inicialnan R.D. kende desde 2007 a haya trabao na Lotto. Henter e problema cu R.D. a cuminsa despues cu a manda e director di lotto cas. Den un di e casonan anterior den corte a sali na cla cu R.D. tabata saca informacion of documentonan pa e director cu a ser manda cas. E propio director a basha abao riba dje den corte. Despues cu e berdad aki a keda confirma, a suspende e controlador interno di lotto aki.
