Prome Weganan Olimpico Hubenil a inicia na Singapore
ORANJESTAD(AAN)— E Weganan Olimpico Hubenil (Youth Olympic Games) a cuminsa oficialmente awe cu e Ceremonia di Inauguracion tumando lugar den e Marina Bay Floating Stadium den e ciudad di Singapore. Cu e ciudad como un fondo impresionante, alrededor di 3.600 atleta entre 14 y 18 aña di edad a desfila den e Parada di Nacionnan, cu a wordo sigui pa discursonan di Presidente di Comite Olimpico Internaconal, Jacques Rogge y Presidente di e Comite Organizador, Ser Miang Ng. Aruba ta participa na e Youth Olympic Games cu un delegación consistiendo di 4 atleta, den e deportenan di landamento judo, landamento y vela.
“Awe nos ta inicia un capitulo nobo den Movimento Olimpico”, Presidente Rogge a bisa. For di e momento aki, hobennan di rond mundo tin e oportunidad di participa na un evento cu ta combina deporte, educación y cultura.”
Presidente di IOC a agrega cu e ta spera cu e prome Weganan Olimpico Hubenil, cu lo tuma lugar di 14 pa 26 di augustus, pa ofrece deporte di nivel halto den un ambiente Olimpico, mientras cu na mes momento ofreciendo e atletanan un plataforma pa siña, comparti y crea amistad pa medio di un programa di Cultura y Educacion.
Dirigiendo su mes na e atletanan, Presidente Rogge a bisa cu nan participacion den e Weganan Olimpico lo yuda nan “siña e diferencia entre ta un ganador y ta un campeon. Pa gana, bo mester simplemente pasa e finish line prome. Pa ta un campeón sin embargo, bo mester inspira admiración pa bo carácter, como tambe pa bo talento físico.”
Cu deporte como fundeshi, e Youth Olympic Games lo duna e atletanan hoben nan prome encuentro cu e experiencia Olimpico y ofrece nan lesnan valioso cu e atletanan por usa den nan futuro carera, sea den deporte of den nan trabou.
Singapore 2010 lo conta cu e atletanan hoben mas talentoso di e 205 teritorionan, cu lo participa den 26 deporte cu actualmente ta forma parti di e programa di Weganan Olimpico, pero tambe algun evento nobo masha excitante, incluyendo basketball 3-pa-3 y ciclismo combina (BMX/mountain bike y ruta).
E Weganan Olimpico Hubenil pa prome biaha ta contene tambe un competencia mixto, den cua tanto mucha homber como mucha muher ta competi den un formato hunto den deportenan manera triathlon, landamento, entre otro.
Adicionalmente na competi individualmente pa nan Comite Olimpico Nacional, e atletanan hoben ta competi individualmente den equiponan cu ta wordo forma pa diferente nacionalidad. E eventonan mixto ta un manera pa fortifica e lazonan entre atletanan y promove un mihor comprondemente di nan cultura y custumbernan.
