Rush Magazine a lansa su di 11 edicion na Confession Night club
ORANJETSAD (AAN): Durante fin di siman Rush Magazine a lansa su di 11 edicion oficialmente riba mercado. Esaki ta un logro sigur pa e revista hoben aki. Un revista cu ta expone tanto na nos hobennan, como na e adultonan un bida sano y saludabel den deporte extremo y den e estilo di bida aki. Den cada un di su 11 edicionnan Rush Magazine a haci tur esfuerso pa trece lo miho pa e publico lesado, pa mantene e publico na haltura di tur acontecimento cu a tuma luga den deporte extremo y pa promove e estilo di bida extremo. Un estilo di bida sano cu pasion pa deporte extremo, yen di reto y adrenalina! Pa a celebra nan di 11 salida henter e crew di Rush a sali riba caya diasabra anochi pa a parti e revista tan lesa aki na Confessions Night Club.
E fotografo di Rush a haya chens pa saca potret di diferente persona cu a haya un ehemplar di e volumen 11 aki como regalo y nnan tabata por a saca potret hunto cu e actual Miss Rush.
E ultimo edicion aki di Rush Magazine a destaca cu un portada unico di California 2010.
Riba e portada aki bo por wak un hungado di Paintball cu tabata den e team cu a destaca na e mundial di paintball na California. Un atleta a bay representa Aruba den e campeonato tambe di un otro deporte extremo na California y a logra bay cas cu casi tur premio.
Tambe den Rush Magazine vol.11 tin diferente entrevista hopi interesante cu hovennan cu ta yegando nan sonyo den xtreme sports aki na Aruba, manera por ejemplo: Shane Thielman di ASBA (Aruba Skimboarding association), Richard Croes su carera den Pro Bike, Ryan Brete actual campeon light weight den MMA y tambe cu Giovanni Arendsz presidente di Aruba bodybuilding y Power Lifting. Bo por lesa tocante Ultimate Challenge y Aruba Hi-Winds 2010.
Conoce di cerca e bunita Miss Rush vol.11. Bo por mira diferente potret di e photoshooting y bo por ricibi tambe e Free poster den bo revista.
Rush Magazine ta gradici Aruba henter pa nan sosten. Un danki special na tur e lectornan y tambe un palabra di gradicimento di curason na tur e sponsornan.
Rush Magazine kier invita un y tur pa pasa check bo Rush Magazine vol.11, obtenibel na tur supermercado y varios otro luga na Aruba.
2 Responses to 'Rush Magazine a lansa su di 11 edicion na Confession Night club'