Rene bernabela di sindicato TOPA
ORANJESTAD (AAN)* Segun president di sindicato TOPA, sr. Rene Bernabela, loke cu e vice-presidente di e fondo di pensioen di empleadonan public, APFA ta un mentira flagrante. Esaki e lider syndical a expresa despues cu sr. Boekhoudt mester a declara cu e fondo tau no solido entre e period di 2007 pa 2009. E pregunta cu sr. Bernabela a lansa ta si e fondo ta asina solido anto kico ta e motibo cu a cambia di e PVL pa e MPR sistema. Y sit a asina a genera placa pa e sistema PVL cu awe no tin tanto problema asina cu actualmente e empleadonan publico ta enfrentando pa cu e fondo di APFA.
Si pa 20 aña e mesun Boekhoudt aki cu ta un jurista, segun Rene Bernabela, ta bisa cu e fondo a worde maneha corectamente, di con anto tin tanto problema cu e fondo.
E sindicato ta pidi pa cambio di maneho den APFa pa motibo cu mester bin den su lugar un maneho coherente y transparente na unda cu tin cu difini e linea di future. E sindicatonan no por lubida pasado, pasobra pasado a causa cu awe tin 68% di e debe cu e clase trahador tin cu bay paga p’e.
Parlamento ta na soño y nan por yama un reunion public pa discuti e tema di APFA banda di e dialogo social y no por bin cu excuus cu e tema aki no a yega parlamento paosbra hende tin educacion y no por tira excusa fofo y ofende inteligencia di e pueblo bisando esey.
Cualkier di e 21 parlamentarionan por pidi e minister encarga cu e fondo di APFA pa responsabilisa su mes y a base di esaki tuma e pasonan necesario pa asina segura di un maneho integro y transparente y no ta sconde un rapport cu a worde traha riba ordo di e Minister di Finanzas pero cu no kier haci esaki public pa asina pueblo haya sa kico ta e disaster cu a sosode den APFA y na unda cu e rapport aki ta desastroso pa cu e maneho di APFA.
Pueblo tin derecho pa cu transparencia di gobierno, na unda cu vez tras di vez e gobierno aki ta papia di transparencia pero no ta haci e rapport aki, public pa e pueblo di Aruba mira con devastador e maneho den APFa tabata ta cu e consecuencia di awe.
E rapport aki a worde traha pa Banco Central bao di e titulo: Deelonderzoek APFA, van de Centrale Bank van Aruba, cu a ser traha bao di instruccion di e actual Minister di Finanzas sr. Mike de Meza.
Diario a haci peticion na tanto e minister como Banco Central pero di parti di minister no a ricibi contesta y di parti di Banco Central a worde bisa cu e rapport aki ta uno secreto y no pa consumo publico. E motibo pakico e rapport aki ta hermeticamente sera ta pasobra e resultado ta devastador pa cu e maneho di APFA, segun sindicato TOPA.
