Home General Trahadornan di APA a bay den accion ayera mainta

Trahadornan di APA a bay den accion ayera mainta

0
0
SHARE
- Advertisement -

apa1ORANJESTAD(AAN): Ayera mainta a habri cu un accion.
E trahadornan di APA a bay den un wild strike pasobra nan kier haya gobierno na mesa.
Den un entrevista Tyron Bremo secretario di formacion di FTA, a splica cu e protesta ta encera cu e trahadornan di APA ta contra mudamento di waf.
Motibo ta segun Bremo, cu tin indicacionnan cu e mudamento lo afecta pueblo en general y trabao di e trahadornan.
El a splica tambe cu e trahadornan kier papia cu e Minister encarga, pa asina nan haya un claridad riba kico ta pasando. “Tin algo cu no ta bayendo bon”.

“Den noticia bo ta tende un cos, pero aki den e trahadornan di APA ta tende otro”, segun Bremo.
El a bisa tambe cu mester alerta pueblo cu tin cosnan pasando.

“Nos no kier perde e derecho di nos waf, nos no kier waf den man di stranhero”. Esaki segun e representante di FTA, kende a sigui bisa cu e trahadornan no kier pa mayan un compania di afo hisa e prijs di container pa asina saca e placa bek cu el a inverti.

El a bisa tambe cu companianan local tampoco mester hasi esaki, pasobra sino prijs di tur producto ta bay subi tambe.

- Advertisement -

DUNA COMENTARIO

Please enter your comment!
Please enter your name here