Tremendo partido di futbol pa despedi y homenagea 4 bombero cu ta bay cu pension
ORANJESTAD (AAN)— Diabierna anochi na Stadion Frans Figaroa na Noord, a tuma lugar un partido di futbol, enconeccion cu despedida y homenage na 4 bombero cu ta bay cu pensioen.E team di hungadornan di Brandweer a enfrenta e hungadornan di RBBT. Durante di e mitar tempo a probecha pa haci entrega di reconocimento na 4 bomberonan cu ta bay laga e departamento di Brandweer, ya cu nan ta bay cu pension. Ta trata aki di Mario (Mai) Tromp, Alexander (Lee) Erasmus, Joseph (Cheppy) Gomez y Eric Gomez. Un programa cu a cuminza cu himno canta pa Mitchell Tromp, despues sigui pa e partido di futbol.
Durante di e homenahe, e señoranan di e respectivo personanan cu ta bay sali cu pension a haya cada uno un bunita bouquet di flor como gradicimento di tanto aña di hopi pasenshi pa cu e trabou nan cu nan casa tabata desplega pa asina yuda esnan den necesidad y hopi biaha poniendo nan bida na peliger pa cumpli cu e obligacion di e trabou nan.
Presente Na e anochi alegre aki tabata tey tambe diferente di e otro miembronan di Brandweer cu sea ya a bay cu pension y otronan cu a bay pa motibo di a haya nana mes den un situacion medico cu no a permitinan sigui traha mas na dicho departamento.
Masha hopi recuerdo a sali ariba mesa manera cu e ta wordo menciona y cu esaki hopi harimento.
Ta ser bisa cu si logra di traha un buki di e miembronan di Brandweer di antes, e buki lo bira sigur un best seller, ya cu ta masha hopi historia tin pa conta y tur di nan cu su debido humor y otronan cu tremendo tristeza. Despues a sigui un fiesta na Bubali Club cu dushi musica y por a lora e pianan un bon rato.
