Un hoben mas perdi pa falta di lugar pa hobennan problematico
ORANJESTAD (AAN): Diamarts 9 or di mainta tabatin un caso di hortamento na Noord, den un cas na Montaña. Na yegada di polis a papia cu señora. R. cu ta cuida e cas aki. El a splica polis cu el a wak ora cu D.R. naci na Aruba di 14 aña a bula na un di e apartamentonan cu tin patras di e cas y kibra e ventana y drenta. Patras di e cas tin dos apartamento di cualnan un ta bashi y e otro ta ocupa. Ladron a drenta den esun cu ta habita pa A.S. cu tabata na e apartamento na momento cu e ladron a drenta. Polis a rondona e apartamento y a logra gara D.R. A.S. no kier a entrega keho.
D.R. a bisa cu e no tin lugar pa e keda y cu e la drenta como cu e kier a bai baño. Polis a bay serca e mama di D.R. pero e la bisa cu e no kier sa nada di su yiu y cu e no tin e voogd di e mucha.
Ta e tata ta e voogd.
Polis a yama e tata pa papia cune y e tata a bisa cu e tin cuatro luna cu e no sa nada di e mucha y cu e mucha no ta tende y ta hasi su kier.
Polis a yama Voogdij Raad pa asina nan a papia cu e tata y su yiu. Despues ora cu e tata a bay auto cu su yiu, e mucha a core bay. Polis mester a core su tras y trece bek warda. Voogdij Raad a yama Centro pedagogico, pero no tin lugar na e sitio aki.
Polis a traha un raport como e mucha a wordo gara varios biaha ta horta. Despues cu polis a trata di tur forma pa busca un solucion no a keda nada otro cu, lage bay cu su tata.
