Archivo di September, 2010
Trahadornan di ASTEC no kier subi grua
Agencianan birando impaciente pa actuacion riba waf
ORANJESTAD (AAN): E comportacion di e trahadornan di ASTEC pa cu e grua ta obliga APA cuminsa tuma pasonan legal. E ultimo acto ta hole na sabotahe y esey ta motibonan tambe cu APA ta bay entrega un keho oficial na autoridad. Tin fotonan parce den file di e ultimo caso aki unda por mustra cu loke a sosode den e relay room no ta un fayo. Ta un sabotahe ta loke parce a tuma lugar caminda a usa un rod di welder pa causa daño na e grua.
ORANJESTAD (AAN): Riba potret
por aprecia e momento cu
ex-vicepresidente di Merca
Sr. Al Gore a dirigi su mes
ayera e audiencia como
keynote speaker durante di
e exitoso apertura di e conferencia internacional
“Green is our future” riba
energia alternativo, esaki na Renaissance Convention Center.
ORANJESTAD (AAN): Diaranzon net prome cu un di e reunionnan di Ministeriele Samenwerkingsraad (MSR) cu Gobierno di Aruba tin cu Gobierno di Antillas actualmente na Aruba, DIARIO a entrevista Prome Minister Mike Eman, pa haya sa mas di e reunionnan aki.
Segun Eman, e MSR ta a base di e acuerdo di cooperacion cu tin entre Antillas y Aruba den nos ‘samenwerkingsregeling’, Aruba y Antillas tin cu bin hunto.
Segun Guilfred Besaril,
*Diabierna SPA ta tene accion masal
ORANJESTAD (AAN): Sindicato di Polis SPA a anuncia cu Diabierna awor dia prome di October nan lo bay den accion y Diaranzon durante un entrevista cu DIARIO, presidente di e sindicato Guilfred Besaril a papia tocante e problema cu ta existi. El a splica cu SPA ta sostene e accion di firma di sindicato TOPA, pero sostene no ta nifica cu SPA ta completamente hunto cu TOPA den sentido di loke SPA kier. Segun Besaril, SPA a bisa bon cla cu e ta refuta e acuerdo bilateral pa motibo cu SPA ta sinti como polis cu e ta bolbe perde un beneficio secundario.
Tin un muher deteni….
ORANJESTAD (AAN): Keto bay e ultimo tempo di denuncia ta worde entrega relaciona cu desfalco cometi den empresa. Mayoria di e denuncianan tin di haber cu control insuficiente cu ta worde haci pa gerencia. Recientemente un empresa na final di Avenido Milio Croes a atrapa un trahador a hit nan den careda di 50 mil Florin. Mientras gerente a entrega denuncia oficial na Recherche y segun informe a detene e muher relaciona cu suma di placa cu a desaparece.
No ta conoci si e muher Q a admiti su culpabilidad. Locual ta asunto di creditcard cu un grupo actualmente ta deteni segun informe cu na diferente Isla y pais nan tira para.
Si sindicatonan no kier negocia:
Tin sindicato sin experiencia manera TOPA cu ta haci desorden pa logra haya miembro
ORANJESTAD (AAN): Ta increibel pa lesa den corant, mira na television con lidernan sindical ta para gaña trahadornan sin misericordia simplemente pa haya atencion, fama. Indudablemente, e hendenan aki cu ta yama nan mes líder sindical ta riba un ‘ego trip’. Awor ta invita trahadornan pa un manifestación pasobra según e líder sindical aki cu e cambionan den e arreglo di pension pa ambtenaar trahadornan lo sali perhudica.
Na apertura di conferencia di energia
ORANJESTAD (AAN)* Na occasion di apertura di e conferencia internacional di energia, Minister di Utilidad y Energia sr. Mike de Meza a hiba palabra enfatisando riba e abundancia cu Aruba ta dispone di dje pa loke ta e energia di solo cu ta confiable, pagable y sustenibel. Na San Nicolaas tin 10 molina di biento cu ta un muestra cu Aruba a inicia e proceso pa cu energia alternativo y na unda cu e gobierno actual a dicidi pa redobla e cantidad akin a 20 cu ta nifica cu 40% di e energia produci pa consumo di Aruba ta basa riba energia alternativo. Esaki ta hopi importante pa nos economia e mandatario a remarca.
ORANJESTAD (AAN): E trahador femenino di fam S su detencion a keda prolonga e siman aki.
El a keda deteni na pia di trabao sospecha di a viola reglanan di su mesun trabao. For di su detencion tabata papia di tumamento di placa pa laga hendenan drenta Aruba. Esaki a resulta e caso tambe. Ministerio Publico a mustra den un combersacion cu e muher aki ta ser sospecha di a tuma mas cu un biaha placa. Aki no ta trata di un suma cu e lo biba cune resto di su bida pero si sumanan di riba 1000 Florin.
Parlamentario señora drs. Lainda Kemp-Westerhof ta di opinion:
ORANJESTAD (AAN): Actualmente presidente di Comision di Enseñanza Parlamentario drs. Lainda Kemp-Westerhof por a tuma nota di e proposicion haci na Minister Dowers di Parlamentario señora Lopez-Tromp pa amplia e orario di school te den oranan di atardi. Algo cu na prome instante Parlamentario drs. Lainda Kemp-Westerhof ta haya un proposicion simpatico pero segun Parlamentario Lainda hopi mester worde drecha prome cu esaki. Parlamentario Lainda ta menciona di no ta gusta trece cos di pasado dilanti pero tin biaha tin mester paso ta parse cu hopi politiconan den oposicion despues di elecion a lubida hopi cos.
Nan a cuminza bishita cas ayera. Censo 2010 ta moviendo. Tanto dia pasa tabata tin comentario riba e preguntanan cu ta ser haci y cu lo ta mas pregunta cu 10 aña pasa y awor el a wordo desmenti indicando cu ta menos pregunta of ta e mes cantidad. Mi no ta corda pasobra mi nunca a conta nan. A wordo bisa cu nan ta preguntanan cu ta bay hopi den bida di esun cu ta wordo entrevista, y preguntanan facil: “bo sa coba den nanishi den hende y bo sa scupi riba caya?”
Tin preguntanan cu ta midi bo balor manera: “bo ta dispuesto di reduci espectativa di bo bida cu 20 aña djis pa bira cacho di bo artista stima?”
“Gobierno no ta dunando atencion”, segun Marlin di SEPPA:
ORANJESTAD (AAN): Na KIA tabata tin un protesta di dos ora mirando cu e trahadornan ta rabia pa diferente motibo. E gobierno no ta dunando nan atencion. Nan ta wardando basta tempo caba riba contesta di minister di husticia Arthur Dowers. Awor a bay over na un protesta di 2 ora. Tres diferente punto di preocupacion e trahadornan tin. Den entrevista cu Edmundo Marlin vice presidente di SEPPA el a splica un tiki mas riba e protesta cu tabata tin. Sr. Marlin a bisa cu e trahadornan ta rabia aworaki despues cu nan a sinta na mesa cu minister na dos ocasion y cu su coordinadora. Esaki ta tumando lugar desde Februari e aña aki, a splica.
Coby Geerman y UEA ta demanda:
Cada un di e 155 trahadonan ta ricibi 7.000 Florin den un solo tiro!
ORANJESTAD(AAN): Ta parce cu e sindicato UEA tin un lista largo di demandanan grandi pa gerencia di Elmar. Despues di a pidi pa aumento salarial desproporcional, awor a presenta un peticion nobo riba mesa di negociacion. Manera ta conoci, e sindicato UEA ta na mesa cu gerencia pa por negocia un CAO nobo pa trahadonan di NV Elmar.
