Abogado no ta contento cu Joran
HULANDA: E abogado Hulandes cu Joran van der Sloot tin, no ta contento cu e entrevista cu el a duna recientemente. E abogado ta yama esaki ‘no mucho inteligente’. E ta cuestiona e hecho cu ‘circus Joran’ a duna un ‘presentacion’ atrobe. Por lo general, no ta un bon decision pa un sospechoso di hechonan castigable busca publicidad. “Ta existi caba cierto imagen y atencion hopi biaha no ta yuda”, segun abogado Bert de Rooij, den Volkskrant. Esaki sigur ta conta pa van der Sloot, kende ta cera na Peru riba sospecho di asesinato di Stephany Flores y kende ainda ta wordo sospecha di tin di haber cu desaparicion di Natalee Holloway.
Den e entrevista cu Joran a hasi cu periodista di Telegraaf John van den Heuvel, e ta admiti di a pidi placa di famia Holloway, a cambio di duna nan informacion riba unda e curpa di Natalee ta dera.
“No tabata bon pa duna e entrevista, pero quizas den palabracion cu su abogado Peruano, el a pensa algo pa cual e entrevista tabata hopi bon”.
“Mi no sa esey y pesey mi no ta bisa nada di dje”. Esaki segun de Rooij, kende a bisa cu e no kier stroba e abogado Peruano di Joran. “Ademas di esaki mi no ta su babysitter”, segun e abogado.
