Apa evaluando un un keho di sabotage y demanda legal pasobra e grua ta certifica
Trahadornan di ASTEC no kier subi grua
Agencianan birando impaciente pa actuacion riba waf
ORANJESTAD (AAN): E comportacion di e trahadornan di ASTEC pa cu e grua ta obliga APA cuminsa tuma pasonan legal. E ultimo acto ta hole na sabotahe y esey ta motibonan tambe cu APA ta bay entrega un keho oficial na autoridad. Tin fotonan parce den file di e ultimo caso aki unda por mustra cu loke a sosode den e relay room no ta un fayo. Ta un sabotahe ta loke parce a tuma lugar caminda a usa un rod di welder pa causa daño na e grua.
No ta pornada tabata ser menciona cu cada biaha trahadornan ta busca motibo pa no traha. E grua ta certifica.
E trahadornan di ASTEC tabata tin reunion cu APA y nan director y por a sinti for di nan cu diahuebs mainta probablemente nan lo no subi tereno y grua pa traha.
Diaranzon tecniconan di APA a subi e grua cu e trahadornan di ASTEC y ningun caminda por a mira fayonan grandi cu e grua mester keda pafor di servicio. E grua ta hayando su mantencion y pesey mes e ta certifica.
Mientrastanto e comerciantenan y agencianan cu ta atende cu barconan a cuminsa bira impaciente. Comportacion asina ta pone cu APA no por haci otro cu cuminsa cana caminda legal. Mescos un keho na autoridad pa e supuesto sabotahe.
E temor ta keda cu si mester haya otro grua nobo nobo e trahadornan lo busca otro excusa pa stroba desaroyo di waf di carga. Algun luna pasa of ta aña pasa e trahadornan a sera un bon CAO.
Pesey ta lamenta cu e trahadornan cu sa con malo e situacion ta tur caminda y sigur pa APA y ASTEC, kier comporta nan mes di e forma aki.
