Home Estilo ARUBA BANK a celebra dia di prensa den grandi

ARUBA BANK a celebra dia di prensa den grandi

4
0
SHARE
- Advertisement -

ab13Pa di 10 aña consecutivo

ORANJESTAD (AAN): Ta trata aki di un tradicion cu Aruba Bank a bira masha conoci pe bou di miembronan di prensa. Tur aña riba dia 1 di September “Dia di Prensa”, e banco ta celebra e dia special aki cu tur esunnan cu ta traha den e ramo aki. E ta un forma pa gradici e cooperacion y sosten cu Aruba Bank ta ricibi henter aña for di tur medionan di comunicacion.

     Durante e anochi bon atendi na Milano’s den South Beach Mall, Shanoulle Bikker, Marketing/Public Relations Manager di Aruba Bank, a gradici tur miembro di prensa pa nan presencia y a felicita tur riba nan dia. A repasa e rol vital cu prensa tin den nos sociedad y alavez a enfoca riba e trabao aki cu ta exigi hopi sacrificio, dedicacion y boluntad.

   Aruba Bank a desea tur miembro di prensa hopi sabiduria, energia y forsa pa sigui eherce nan labor diariamente.

    E tema di e aña aki tabata “baile” y como tal miembronan di prensa a competi cu otro den “Dancing with the Press”. E ganadornan tur a ricibi un premio y alavez a rifa diferente premio entre tur presente . Yentil Liew di ATV a bira ganadora di un weekend stay na Holiday Inn Aruba Beach Resort.

     Miembronan di Prensa hunto cu Hunta di directiva, Gerencia y personal di Aruba Bank a disfruta tremendamente di e anochi aki.

   Riba e fotonan adhunto por aprecia miembronan di prensa celebrando nan dia den grandi hunto cu Aruba Bank.

 

- Advertisement -

DUNA COMENTARIO

Please enter your comment!
Please enter your name here