Asistencia pidi pa bendemento di droga
ORANJESTAD.(AAN);– Keto bay sa drenta informe na polis cu na haltura di hotelnan high rise turistanan ta wordo molestia. Tin segun version entre otro cu bendedornan di droga ta circula y ta ofrece e bishitantenan substancia pa cumpra. Cada vez tambe ta asina cu ora polis actua apesar cu e sospechosonan ta conoci pa husticia nan ta scapa na wowo di hangua.
Ora cu listra nan no ta haya nada di droga of substancia den nan poder.
Diaranzon pa alrededor di dos’ or y 42 minuut , central di polis a dirigi patruya Noord na haltura di “Sr. Frogs” riba J.E. Irausquin pa un homber cu ta molestia turistanan.
A suministra polis descripcion di e tipo y tabata trata di un homber color scur, bisti cu carson largo preto y tambe t-shirt color preto y su cabey ta style di rasta.
Patruya cu ta yegando den e area di hotelnan high rise, enberdad a constata un tipo conocido pa husticia y su descripcion ta cuadra.
Polis a acerca e homber di inicialnan E.J. y e ta conoci como bendedor di droga e version policial ta menciona. Polis a controla E.J. y den su poder no a descubri droga. A scual e y el a wordo cori for di e area.
no name
haha nan no mester a sere paso aki un tempo e ta bai bira legaal haha