Home General Awor a resulta cu Eddie Briesen tabata den un proceso avansa pa...

Awor a resulta cu Eddie Briesen tabata den un proceso avansa pa bende Aeropuerto di Aruba

0
1
SHARE
- Advertisement -

briesenMientras cu ex–minister di MEP tabata tin boca yen cu palabranan manera traidor y entreguista durante reunionnan den parlamento…
ORANJESTAD (AAN): Reunionnan den Parlamento di e ultimo dianan a mustra un parlamentario Eddie Briesen constantemente ta yamando un cantidad di hende di partidonan contrario na di dje, pa “traidor” y “entreguista”. Aunke cu henter e fraccion di MEP tabata mustra satisfecho di por a grita e palabranan aki den voz halto, tabata Sr. Eddie Briesen cu a resalta cu su cinisismo usando e palabranan menos agradabel y decente pa insulta un cantidad di hende cu e no ta di acuerdo cune.
Awor e informacion ta saliendo cu un of algun minister di Aruba mester bay Hulanda pa informa nan mes ariba un asunto hopi serio na entre otro Schiphol. E informacionnan ta mustra ariba e hecho cu Sr. Eddie Briesen tabata tin planan hopi avansa pa asina bende Aeropuerto Internacional di Aruba.

Inicialmente ta papia aki di por lo menos 25%, pasobra segun e ex-minister, sr. Briesen, e negoshi di e aeropuerto ta bayendo hopi bon y esey lo ta un motibo pa bende esaki. Ariba dje e grupo di Schiphol lo por ta hayando algun posicion clave den raad van bestuur di Aeropuerto Internacional di Aruba. Cu esaki e influencia externo den direccion di un patrimonio di pueblo ta worde entrega na hendenan of companianan pafor di Aruba sin pensa ariba e consecuencianan cu esaki por tin pa Aruba.

E pregunta ta keda e ora, con por ta posible cu Sr. Eddie Briesen no a informa pueblo di Aruba cu e lo ta den un proceso serio di benta di un patrimonio di pueblo. Hopi a cataloga e noticia aki como un acto serio di posible corupcion. Un cos cu ta sigur, ta cu benta di e magnitud aki ta algo hopi serio y minimalmente por keda categorisa pa un acto di “entreguismo” y te hasta “traición”.

- Advertisement -

1 COMMENT

DUNA COMENTARIO

Please enter your comment!
Please enter your name here