Home General Awor Nel Oduber kier regla leynan pa Aruba den tribuna publico haciendo...

Awor Nel Oduber kier regla leynan pa Aruba den tribuna publico haciendo politica barata

1
0
SHARE
- Advertisement -

nelmanhabriOcho aña como Prome Minister di pais Aruba
ORANJESTAD (AAN): Dos mandato sigui lider di MEP, Nel Oduber a haya for di pueblo di Aruba pa goberna e pais, te ora cu mesun pueblo a dicidi di kita e mandato aki for di Nel, pa motibo cu e no a cumpli cu e pueblo Arubano. For di 2005 ta den discusion y deliberacion e cambionan di Statuut relaciona cu cambionan estatal cu tin cu tuma lugar den Reino Hulandes, pues Gobierno di Nel Oduber, tabatin cuatro aña pa delibera, discuti y atende cu Gobierno Hulandes riba e leynan aki.

Gobierno di Nel Oduber no a haci nada drechi, a keda enfoca su gobernacion con pa saca mas tanto probecho posibel for di un pueblo cu tanto el a gaña y cu dia 25 di September di 2009 a bisa Nel: “ta basta cu bo y cu bo Gobierno”.

Awor un aña despues cu pueblo a baha su Gobierno den e proceso electoral di 2009, Nel Oduber a bin trata di pasa pa heroe, pasa pa un luchador cu e no ta y cu nunca e no tabata, y manera semper, a trata di pone su interes politico dilanti di e interes nacional.

Cada bes cu e lider di MEP, of miho bisa pareha Oduber, a lanta para y grita cosnan sin sentido y bruha den tribuna publico, e tabata skirbi historia politico pa pais Aruba y tambe den Reino Hulandes.

Diaranson un biaha mas, Nel Oduber a converti su mes den e prome lider politico cu Reino Hulandes a yega di conoce, cu a keda sin yuda su pais den su calidad di Prome Minister pa ocho aña largo, pa despues e bay den tribuna publico di Parlamento y eynan hunga di kier salba Aruba.
Cada bes cu Nel Oduber a para riba tribuna brasa habri, gritando cosnan cu el a keda sin haci como Prome Minister, el a mustra mas y mas riba Papa di Roma, un homber santo cu nunca a haci algo.

Santa Nel y Madre Glenda a impresiona tur hende, ya cu den tribuna publico, caminda nan no tin poder pa haci net nada, nan a bolbe demostra cu nan lucha semper tabata pa partido, pa amigo y famianan y cu interes di pueblo ta conta solamente ora cu nan ta sinta riba tribuna sin poder alguno.

Votadornan di Nel a dun’e un mandato den ultimo eleccion, caminda el a ricibi un total di 6244 voto como lider di MEP y kico el a haci, na lugar di bay Parlamento, Nel Oduber a haci mofa di e votadornan aki y a prefera di bay sinta na cas sin atende cu interes di su votadornan, y di e pueblo di Aruba.

Den ultimo dianan e lider di MEP ta haci un apelacion riba su mesun votadornan, pa bolbe lanta, pa bolbe bay Parlamento, pa hiba un lucha cu e mes no kier a hiba pa nan como Parlamentario y el a haya un mensahe cla ora cu el a ripara e man yen di seguidornan cu a bin su tras.

Ta tristo con un lider politico ta tuma su votadornan haci ridiculo, caminda claramente el a mustra den ultimo aña, cu e no ta interesa pa lucha pa nan bienestar y awor kier yama otronan cu sin ta trahando pa interes di pueblo pa traidor.

Den oranan di anochi Nel a bandona tribuna publico di Parlamento y a bay cas pa sosega su body, lagando esnan cu el a roga pa bin sostene, keda sinta nan so riba tribuna.

- Advertisement -

DUNA COMENTARIO

Please enter your comment!
Please enter your name here