Home General Awor si a bira un necesidad pa pone man duro riba esnan...

Awor si a bira un necesidad pa pone man duro riba esnan cu ta cumpra y aplica Botox ilegal na Aruba

4
0
SHARE
- Advertisement -

botoxFabricante di Botox lo mester paga 600 miyon dollar pa mal uso di productonan
ORANJESTAD (AAN): Den e dianan aki nos a bin cu algun articulo relaciona cu e uso di Botox ilegal na Aruba. A constata, segun datonan di Inspeccion di Remedi, cu na Aruba tin un mercado ilegal di hopi producto. Tin hende cu no kier mira e consecuencianan. Nan ta alega cu ningun hende a muri door di usa productonan cu ta worde cataloga remedi. Pero ora algo sosode, si tur hende ta laba man y ta haci “yo no fui”. Wel, e informe aki ta confirma loke nos a bin ta treciendo dilanti y cu sigur lo por trece consecuencianan stricto pa esnan cu ta trece Botox falso na Aruba y mas peor ainda, cu ta aplicando esaki sin cu nan mag haci esey.
Tin hende ta kere cu e situacion aki ta un joke, pero e ta hopi serio ya cu ta hopi e productonan cu ta ser confisca na Aruba pero mas hopi e hende cu ta haciendo nan mes culpable di actonan castigable.

Ta asina cu Allergan, e fabricante mericano di Botox lo mester paga e suma di 600 miyon dollar ya cu e husticia mericano a acusa e fabricante di promove e uso di e famoso tratamento anti-aruga pa otro casonan cu no tabata autoriza pe.

E acusacionnan ta di e periodo entre 2000-2005 y ta señala cu e promocion di e producto a origina su uso pa e tratamento di dolornan di cabez, paralisis cerebral den mucha, dolor, entre otro.

Allergan a ser haya culpable y lo mester paga 375 miyon dolar na e gobierno y otro 225 miyon pa cubri demandanan civil.

Botox tin den dje e toxina letal di e botulismo (un intoxicacion alimentario bacteriano causa pa un neuro-toxina). E molecula aki tin usonan estetico y actualmente ta e principal componente di botox.

E bacteria ta drenta den e curpa atravez di heridanan habri, pero tambe por biba den alimentonan den bleki mal cera of almacena den recipientenan habri of inapropia.

Ora cu Botox ta ser inyecta den dosisnan chikito, e substancia ta paraliza e musculo y ta evita su contraccion, locual ta elimina e aruganan facial. Tambe ta ser utiliza pa otro usonan terapeutico.
Binti aña pasa, Botox a ser aproba pa prome biaha na Merca pa e tratamento di transtornonan den e musculo ocular.

Na Aruba, manera nos a publica, Botox ta cay bao di e practicanan conoci como Mesoterapia, cual a conoce su auge den e ultimo 5 añanan y a ocasiona cicatriznan hopi severo cerca esnan cu a haya e tratamento.

Tabata hopi e denuncianan cu a ser haci den pasado y por tuma nota cu ainda e practica ta vigente na nos isla.

No ta por nada cu Inspeccion di Remedi tin su maneho relaciona cu e productonan aki. Locual si lo ta bon pa agiliza ta e cambio den e ley caminda esnan cu ta culpable di comete e practica aki lo mester cuminza haya castigonan pisa.

Tin un grupo di personanan cu sa traha remedinan di tera. E remedinan di tera ta un tradicion den cada pais y no por kita cu cada pais tin su custumbernan pa loke ta fabricacion y uso di e asina yama remedinan cu mama tera ta permiti nos usa ora cu tin un maleza. Nan ta un alternativa.

E hecho cu mester bin control di calidad riba e productonan aki no kiermen cu lo prohibi su fabricacion, pero den loke si mester tene cuidao ta e calidad cu cual nan ta wordo traha y con nan ta wordo bendi.

- Advertisement -

DUNA COMENTARIO

Please enter your comment!
Please enter your name here