Cede di PPA destrui pa candela feroz
ORANJESTAD.(AAN):– Ya ta varios eleccion cu partido PPA no a logra saca ni un asiento y mientras e partido a sigui haya golpi fuerte bao di liderasco di Benny Nisbeth. awor den marduga diarason, pa mas o menos 4’or madruga esnan cu ta biba den Flamboyant straat den cercania di e cede di PPA a reporta tanto na centro di alarma y polis cu e sede ta na candela.
Mesora a wordo despacha patruya di polis y tambe truck di bombero ya cu e candela tabata menasa di expande.
Tin fuerte sospecho cu no ta exclui cu choller a probecha di kibra drenta den e cede di e partido y nan lo a dal nan cos te cu cos a ocasiona candela y esaki a expande.
Esnan cu ta biba den cercania na mas di un ocacion a wak choller ta drenta y ta podera di e cede di e partido cu tabata e partido mas grandi di historia di Aruba un tempo logrando 15 asiento bao liderasco di Juan Enrique Irausquin .
No ta conoci si e cede ta segura pero si cu e daño ta basta grandi. Tampoco por a haya informe di kico lo a bay perdi den e candela. No ta conoci tampoco si e partido lo sigui activamente den politica.
A duna Diario di conoce si acaso e lider dicidi di yama reunion den futuro e liderasco lo tin di wordo cambia. No por ta asina cu a participa den varios eleccion y e partido a keda tranca na “Nul”.
