Home Hudicial Corte ta subraya cu Alex Croes tin permisonan necesario pa bende suplemento...

Corte ta subraya cu Alex Croes tin permisonan necesario pa bende suplemento y cierto remedi

0
0
SHARE
- Advertisement -

JudicialORANJESTAD (AAN): A peticion di Alex Croes, e abogado a duna un relato corto riba e decision di corte riba e keho cu el a entrega contra e confiscacion riba orden di ministerio publico di diferente productonan cu e ta bende. Entre sr. Croes y Inspeccion di Remedi tin un disputa riba e classificacion di cierto productonan. E disputa ta si ta trata di supplemento natural of di remedi. Inspeccion di Remedi ta basa su mes ariba algun decreto ministerial cu a worde emiti despues cu Inspeccion a perde un serie di caso conta sr. Croes.
Den e decision, corte a comenta entre otro cu den e tipo di procedura aki no tin espacio pa determina e valides di e areglonan ministerial pendiente e caso penal mes cu tin cu worde trata ainda.

E ponencia cu e productonan no por worde considera como remedi no a worde honra den e decision preliminario di corte. Segun corte e caso no ta trata di posibel componentenan medico, pero ta trata di componentenan of ingredientenan cu tin cu worde considera como remedi.

Corte a subraya cu Alex Croes tin permisonan necesario pa importa cierto supplementonan y pa por bende cierto remedinan. Inspeccion y Ministerio Publico a tuma e posicion cu esaki no ta e caso.

Sr. Croes lo defende su punto di bista cu e productonan aki ta supplemento natural i no mester worde registra den e caso penal cu tin cu worde trata ainda i ta sigui considera tur su otro opcionnan legal.

Por ultimo, Alex Croes kier a subraya cu e productonan cu tin confisca tin nan certificado di benta publico duna bou direccion di e “Secretary of Health and Human Services” di Merca y por worde cumpra na por ehempel cualkier GNC of Vitamin Store na Merca. Alex Croes lo no a laga trece e productonan Aruba si e mes no ta convenci cu nan ta bon pa su clientenan.

- Advertisement -

DUNA COMENTARIO

Please enter your comment!
Please enter your name here