Home General Den 3 aña di tempo gastonan di personal di arubus a aumenta...

Den 3 aña di tempo gastonan di personal di arubus a aumenta cu mas di 30%

0
0
SHARE
- Advertisement -

ORANJESTAD (AAN): Papiando di e trahadornan di Arubus, Minister di Turismo, Transporte y Labor, Otmar Oduber a bisa cu el a menciona na algun di e miembronan di prensa cu den e ultimo 8 pa 9 aña e empleadonan eyden a haya un aumento di 24 pa 25%. Esaki el a hale atras, pasobra den e ultimo 3 añanan nan a ricibi mas di 30% di aumento. Den rapport traha door di Pricewaterhouse Coopers na 2008 riba Arubus ta menciona cu mester reduci gastonan of miembronan di personal, pero Hunta di Comisario a haci net lo contrario. Nan a bay di acuerdo pa indexering di 3% sin tene na cuenta cu e consecuencia ta loop door den tur otro gasto di Arubus.
Na 2008 e aumento aki a significa 3.9%, na 2009 el a significa 11.9% y na 2010, a base di e decision tuma na 2009, el a significa un aumento di 16.9% di costonan di personal. Contando e ultimo 3 añanan ta papia e ora di riba 30% den aumento di gastonan di personal.

Si conta den e ultimo 8 pa 9 añanan e ora ta papia di un aumento di gastonan di personal di riba 50%. “Si esaki ta un maneho responsabel di Gobierno anterior y di e Hunta di Comisario, anto mi ta puntra mi mes ta kico no lo ta un bon maneho”, Minister Otmar Oduber a duna di conoce.

- Advertisement -

DUNA COMENTARIO

Please enter your comment!
Please enter your name here