Den caso di un pareha casa esun cu ta gana mas hopi ta haya deduccion di tur cos
Pa loke ta declaracion di inkomstenbelasting:
Di dje como di su casa, PR di SIAD a subraya
ORANJESTAD (AAN): E calculacion di e entrada fiscal pa pareha no ta algo facil, segun Meverly Romano, Relacionista Publico di Servicio di Impuesto. A bisa cu SIAD tin cu wak prome ken ta gana mas hopi. Sea ta e señora of su casa. Esun cu ta gana mas hopi esey ta haya deduccion di e gastonan personal, gastonan extraordinario, deduccion pa yiu y e deduccion pa e grandinan, si acaso ta trata di un persona riba 60 aña.
Ta hopi importante, a agrega, pa SIAD determina ken ta esun cu ta gana mas hopi. E ora nan ta wak si ta e señora of e homber. Esun cu ta gana mas hopi ta haya deduccion di tur cos. Di dje y di su casa, a señala.
E kinderaftrek ta bay pa esun cu ta gana mas hopi. Si e pareha tin e mesun entrada. Si por ehemplo, cada un ta gana 50 mil Florin pa aña. E ora e deduccion ta bay pa e homber.
E homber lo haye procesa den su entrada fiscal. Ley ta bisa cu den caso cu tur dos ta igual, e ora e deduccion ta bay pa e homber, a manifesta.
