Home General Dia 1 di october dia internacional di nos grandinan

Dia 1 di october dia internacional di nos grandinan

0
0
SHARE
- Advertisement -

evelyncroesEvelyn Wever-Croes cu refleccion riba
ORANJESTAD (AAN): Desde aña 1990, cu Nacionan Uni a declara 1 di october como Dia Internacional di esnan di e tercera edad, of “Dia Internacional di nos grandinan”, tur aña riba e fecha aki nos ta honra nos grandinan. Y naturalmente, nos tur tin gana di yega na e edad ey y tin un seneltud contento. Un aspecto cu ta causa hopi preocupación cerca nos grandinan, ta e peso di impuesto y primanan cu nan mester paga ora nan baha cu pensioen.
Hopi di nan ta gana un salario ora nan ta mas hoben, y den e tempo ey ta haya placa di belasting back. Pero ora nan baha cu pensioen, nan entrada ta mucho menos cu prome, y riba dje nan mester paga mas belasting.
Den contactonan cu mi tabata tin cu hopi pensionado esaki a bin dilanti como un di e preocupacionnan di mas grandi.
Pesey e aña aki, nos di MEP lo no solamente honra nos grandinan, sino nos lo bin cu e proposición di ley tambe, pa elimina belasting riba pensioen. Nos no kier laga e dia aki pasa solamente cu palabranan bunita, sino nos kier haci algo grandi pa nos grandinan.

Den e proyecto di ley aki nos ta propone pa e pensioen di AOV/AWW esta esun di SVB bo no ta paga belasting riba dje. Den caso cu bo tin mas entrada, bo ta paga belasting solamente riba e demás entrada, no riba e pensioen di AOV mas.

E proyecto di ley ta den su fase final, nos falta pa laga expertonan pasa riba dje, y e ora e ta cla pa worde entrega na Parlamento. Y nos ta sigur cu ningún otro partido por tin algo contra e ley aki.
Pues e aña aki nos kier regala nos grandinan esaki, pa asina nan por drenta nan pensioen cu menos preocupación.
Den futuro ora bo ta pensando pa baha cu pensioen, bo mester ocupa bo mente cu cosnan positivo, por ehempel : cuanto tempo extra bo tin pa pasa cu bo famia, cu bo nietonan, y no preocupa bo cu cobranzanan demasiado halto di belasting riba bo pensioen.
“Nos ta spera di por caba cu e proyecto di ley aki pronto, pa por entrega na Parlamento”, según Evelyn Wever-Croes.

- Advertisement -

DUNA COMENTARIO

Please enter your comment!
Please enter your name here