FABULOSO “OUTSPOKEN” PARTY DI AVON
Lansamento di e fragancia nobo di Fergi
ORANJESTAD (AAN): Avon na Aruba, representa door di Aruba Trading Company, a organiza un tremendo fiesta pa lansa nan fragancia mas nobo, cu ja ta causando furor den exterior, Outspoken by Fergie.
Tur representante di Avon tabata presente y bisti biña, pa sera conosi cu e fragancia aki cual a worde crea door di Avon y Fergie, kende ta e cantante principal di e grupo “Black Eyed Peas” cu ta hopi conosi pa tur nan hits musical, inclujendo “I got a feeling”.
Fergie ta un cantante, escritora y actris conosi internacionalmente, e ta un hende muher fuerte, misterioso y femenino. E fragancia Outspoken ta inspira ariba e personalidad di Fergie, su sensualidad y su atractividad. E fragancia aki a worde crea pa e ser femenino cu ta sigur di su mes y cu ta fiel na su prinicipionan y asina ta durf di expresa su mes. Un hende muher ”Outspoken”.
E perfume aki tin un fragancia hopi refrescante, cu tononan di jasmin, aromanan suave di curason y e flor di passion ta baila huntu den un manera sensual y jen di passion. Fergie a haya e inspiracion pa e boter, cu tin un forma unico, durante su boda, na unda el a mira un vaas hopi bunita y luhoso di cristal cu a atrae su attencion cu su elegancia. E resultado di e creation di e boter ta un tapa den forma di diamante cu ta fluhi den un boter di glass cu curvanan seductor cu ta crea un forma hopi sensual.
E Fragancia aki tambe ta disponibel den un bunita set cu ta contene e fragancia, un cadena cu un hanger perfuma y diseña pa Fergie y un body lotion.
Contact bo representante di Avon local pa busca esun dibo of pa regalo pa e persona special.
