Glenda Oduber, ex prome dama ayera tabata grita, ofende hende pa despues tapa cara
Esaki ta yama “Tira piedra, sconde man” un acto di cobardia
ORANJESTAD (AAN): Un dia prome Aruba a pasa den un berguensa irremplazable ora cu e potret di e casa di ex Prome Minister Glenda Oduber-Croes a skeiro mundo rond na unda por a mira claramente con e tabata grita, tabata habri brasa y haci masha mahos mes den tribuna di Parlamento. Su vocabulario tabata masha bou nivel y manera un disco raya e palabranan histerico di un alma malo tabata drenta e hogar di hendenan drechi.
Podise cu e mes a spanta pa e potretnan aki cu a para bira e burla mayor y e coi hari di tur hende of podise cu por a worde bisa na e cu loke el a haci no ta netchi, pero ta algo mahos.
Hecho ta si cu ayera cada rato cu e caba di grita bobedad e tabata tapa su cara pa ningun hende saca su portret. Aparte di e palabra traidor y otro disparate cu tabata sali di su boca, no tabatin un momento cu e señora aki por a bisa algo cu por tin un poco contenido.
Casi sigur cu e no por tampoco. Mucho educacion e no tin. Pero, pa yama hende drechi pa traidor sin mas, ta simplemente grita pa grita, ofende pa ofende y haci payasada sin ta un payaso di berdad.
Cu Rudy Croes a flip eyden ta di compronde. E tabata burachi y tabata papia cu un “dubbele tong”, pero pa un señora cu di mainta tempran tabata sinta den tribuna haci actonan bou tur nivel asina, ta pone tur hende haci nan mes e pregunta ta kico realmente ta pasando cu ne.
Laga nos hari pa no yora di tanto ignorancia asina.
Berguensa
Wat een laag nivo !!! hahaha