Hobencita transporta cu Air Ambulance pa Venezuela ayera tardi
ORANJESTAD.(AAN):Despues cu specialistanan a stabilisa e criatura cu por poco a hoga den piscina di un high rise hotel, ayera den transcurso di dia tramitenan a wordo hasi di parti e famia Venezolano cu esnan di Air Ambulance Aruba pa e criatura wordo transporta pa Caracas.
E intermediacion di sr. Rupert Richard di Air Ambulance Aruba a pone cu ayera tardi mes a baha un Air Ambulance for di Venezuela.
Tambe dokter specialista Venezolano a bay na Dr. Horacio Oduber Hospital y a wordo atendi pa specialistanan local pa asina prepara e patiente, e mucha muher Camila Suarez di 5 aña, cu por poco a hoga.
Na hospital el a wordo stabiliza y via aparato sofistica den ICU tabata controla su estado. Ayera mes pa medio di ambulans el a wordo transporta cuidadosamente te na e avion cu tabata sperando pa asina transporte rumbo pa Caracas.
Asina cu yega Caracas, lo tabatin un otro ambulans cu lo percura pa transporte pa hospital di capital Venezolano pa e wordo interna y trata. Diadomingo mama di e criatura a biaha pa Venezuela y ayera tabata spera yegada di su yiu muher.
Manera ta conoci e famia tabata cu vacasion na Aruba y tabata keda na un high rise hotel. Pa un motibo of otro e criatura lo a drenta den pool cu e consecuencia.
Locual a sosode hasta a causa tambe cu e mama na dado momento a bay den shock.
Ta spera tambe cu e criatura inocente Camila lo tin un pronto recuperacion.
David Martin
Gracias a todo el personal del Hotel Costa Linda por las atenciones, ayuda y solidaridad con la Familia de Camila Suarez
El calor humano que sentimos lo llevamos en el corazon
A todos los huespedes Venezolanos que colaboraron desinteresadamente con el Dr. Gonzalo Suarez y Andreina Castillo .
A su Gerente que nos dispuso una oficina con Fax, linea telefonica, fotocopiadora, internet para poder realizar todas las gestiones de su traslado
Agradecidos eternamente
Dr David Martin y Familia