Home General Homber a fracasa den intento di atraco

Homber a fracasa den intento di atraco

0
0
SHARE
- Advertisement -

ORANJESTAD.(AAN);Un tercio cu segun comentario su estado di salud lo no ta 100 porciento a hinca den su cabez pa bay tira atraco. Dialuna atardi pa 5’or el a dicidi di tapa cara bay direccion di un lugar di bende number na Rooi Master y a comete asalto despues el a core limpi bay.
Alarma a wordo bati na polis y patruya San Nicolas a bay direccion di Rooi Master pa mesora atende e atraco. A notifica polis cu ta trata di un homber atracador cuero di curpa ta bruin, e ta bisti cu t-shirt blanco y e ta pia.
Polis cu a presenta y pa medio di testigo nan a wordo informa cu e sospechoso su cabez ta feita pelon y el a core drenta mondi patras di un cas. Banda di e cas indica polis a topa cu un grupo di persona y nan ta mustra polis e sospechoso. Tambe e grupo a agrega cu e sospechoso a core cambia su t-shirt y tambe a benta cuchio na suela.

Polis a logra detene e sospechoso di inicialnan J.A. di 18 aña. A confisca evidencia esta t-shirt, cuchio y tambe un tas.

Mientras e victima cu ta un señora a declara di a wak un persona cara tapa ta bin den direccion di e oficina di number.

Pa medida y pa prevencion el a sconde su tas y placa. Ora cu e e atracador J.A. a blo arma cu cuchio riba denunciante, ora J.A. a constata no tin nada pa horta, el a dicidi di core bay. J.A a wordo sera pendiente di mas investigacion.

- Advertisement -

DUNA COMENTARIO

Please enter your comment!
Please enter your name here