Homber y su ex amiga a confronta problema cu otro.
ORANJESTAD.(AAN); Despues di merdia a presenta na warda di Noord e homber di inicialnan A.F. di 58 aña y a solicita intermediacion. E homber ta bisa polis di ta wordo molestia pa su ex amiga cu ta e muher di inicialnan O.R. di 62 aña. E relacion entre nan dos, dos luna pasa a yega na un fin. Riba 5 di september ultimo denunciante a bay fiesta na un hoffie y na dado momento a presenta e ex amiga tambe na e hoffie. A start un discusion formal entre e homber y e muher durante e fiesta na e Hoffie. E homber A.F. a sigui declara cu su ex amiga a destrui su auto y a ranca number di auto y bente afo.
Polis despues di a scucha version di denunciante telefonicamente a drenta den contacto cu e muher O.R. y a atende relaciona cu e version di A.F.
E muher a nenga retundamente di a kita plachi number di e auto, pero a admiti e discusion y cu ta A.F. a benta e numbernan afo.
Debi cu e homber no kier entrega denuncia oficial, polis a hala atencion di e muher pa laga e homber cu tranquilidad. E muher a comprende y a priminti di laga A.F. na paz.
