Huez Comisario a prolonga detencion di trahador na Inmigracion
ORANJESTAD (AAN): E trahador femenino di fam S su detencion a keda prolonga e siman aki.
El a keda deteni na pia di trabao sospecha di a viola reglanan di su mesun trabao. For di su detencion tabata papia di tumamento di placa pa laga hendenan drenta Aruba. Esaki a resulta e caso tambe. Ministerio Publico a mustra den un combersacion cu e muher aki ta ser sospecha di a tuma mas cu un biaha placa. Aki no ta trata di un suma cu e lo biba cune resto di su bida pero si sumanan di riba 1000 Florin.
Na mas cu un biaha parce el a comete e acto aki. Esnan cu e tabata laga drenta ta hendenan cu a yega di keda ilegal atras. Nan a pasa nan tempo na Aruba y despues kier a drenta back nos isla via inmigracion sobornando e empleada aki.
E pasaheronan cu e tabata laga pasa tabata netamente esnan di Latino America. Te na e momentonan aki ta gran parti for di Venezuela.
Huez comisario a haya cu ta necesario pa tene e empleada aki sera mirando e sospecho cu tin contra dje. Te asina leu no ta conoci si nan tin testigonan sera contra dje e momentonan aki. Loke si por bisa ta cu tin indicacion cu aparentemente ta su so ta envolvi den henter e tumamento di placa pa laga stranheronan cu mal record di estadia drenta nos isla.
