Ladron a horta keshi rondo y ijscream na un cas
ORANJESTAD.(AAN); Gerente di un supermercado na Dakota a reporta na polis cu un choller a drenta y horta den e establecimento. Patruya di Oranjestad dialuna atardi pasa di 4’or a bay atende e asistencia. Na yegada polis a papia cu doño di e establecimento, e homber naci na China di inicialnan R.W. di 68 aña. El a splica polis cu el a tuma nota pa medio di cameranan cu a capta un choller ta horta e producto pa shine y proteha tire cu ta costa 9 florin y .75 cen. E choller capta riba camera no tabata mas na e sitio.
A base di informacion y denuncia polis a tira bista den vecindario pero no a logra haya e choller ladron.
Ta intencion di e doño supermercado pa traha copia di filmacion y potret pone esaki riba C.D. pa entrega na polis.
Na Pos Chikito tambe mas despues patruya di San Nicolas a presenta relaciona cu ladronicia na un cas.
Polis a papia cu e habitante di inicialnan T.P. di 60 aña cu a bisa cu persona desconoci a horta dos keshi rondo y dos pak’i ijscream.
El a wak e productonan aki y despues e no a mira nan mas. Segun e denunciante tin bisiña lo a wak un tipo aparentemente conoci pa polis di inicialnan R.T. cu ta wordo sospecha di a comete e ladronicia di e keshi rondo y ijs cream.
